ސެނާހިޔާ ހޮސްޕިޓަލް ތަރައްގީކުރުމާ ބެހޭ ގޮތުން މަޝްވަރާކޮށްފި
13 މެއި 2019 | ހޯމަ 04:48އިންޑިއާ ސިފައިންނާ މަޝްވަރާކުރީ އާދީއްތަ ދުވަހު
ޑިފެންސް މިނިސްޓަރު މާރިޔާ އަަދި މޭޖަރ ޖެނެރަލް ޑރ. ޕްރަޝަންތް
ސިފައިންނަށް ހިދުމަތް ދޭން މާލޭގައި ގާއިމްކޮށްފައިވާ ސެނަހިޔާ ހޮސްޕިޓަލް ތަރައްގީ ކުރުމާ ބެހޭ ގޮތުން ޑިފެންސް މިނިސްޓްރީން އިންޑިއާގެ ސިފައިންނާ މަޝްވަރާކޮށްފިއެވެ.
އެ މަޝްވަރާތައް ކުރިއަށް ގެންގޮސްފައި ވަނީ ރާއްޖެއަށް ވަޑައިގެންއުޅުއްވާ އިންޑިއާގެ ސިފައިންގެ ވަފުދުގައި ހިމެނި ވަޑައިގަންނަވާ މޭޖަރ ޖެނެރަލް ޑރ. ޕްރަޝަންތް ބާރްދްވާޖްއާ ޑިފެންސް މިނިސްޓަރު މާރިޔާ އަހުމަދު ދީދީއާ އެކު ބޭއްވި ބައްދަލުވުމެއްގައެވެ.
އާދިއްތަ ދުވަހު ބޭއްވި އެ ބައްދަލުވުމުގައި ރާއްޖޭގެ ސިއްހީ ނިޒާމު އިތުރަށް ހަރުދަނާ ކުރުމުގެ އިތުރުން ސެނަހިޔާ ހޮސްޕިޓަލް އިތުރަށް ތަރައްގީ ކުރުމާ ބެހޭ ގޮތުން މިނިސްޓަރު މަޝްވަރާކުރެއްވި ކަމަށް ޑިފެންސް މިނިސްޓްރީން ބުންޏެވެ.
ސެނަހިޔާ ކްލިނިކް ހޮސްޕިޓަލަކަށް ބަދަލުކޮށް އެތަނުން އެމްއާރުއައިގެ ހިދުމަށް ދިނުމަށް އެމްއެންޑީއެފް އިން ވަނީ ނިންމާފައެވެ. އެގޮތުން ހިދުމަތް ފުޅާކުރުމުގެ ގޮތުން ސިޓީސްކޭން ވެސް ކުރެވޭ ގޮތަށް ހަމަޖައްސައި ހާއްސަ ސޮފްޓްވެއާއެއް ތައްޔާރު ކުރަމުގެ މަސައްކަތް ކުރަމުންދާ ކަމަށް ވައިސް ޗީފް އޮފް ޑިފެންސް ބްރިގޭޑިއަރ ޖެނެރަލް އަބްދުއްރަހީމް ވަނީ ވިދާޅުވެފައެވެ.
