މާލޭގައި ވެހިކަލް ލިމިޓްކުރަނީ!
12 މެއި 2019 | އާދީއްތަ 09:36އެންމެންވެސް މަސައްކަތްކުރަނީ މާލެއަކީ ދިރިއުޅެން ފަސޭހަ، ފެހި ތަނަކަށް ހެދުމަށް
މާލޭ މަގުމަތީގައި ވެހިކަލްތަކެއް
މާލޭގައި ވެހިކަލް ލިމިޓްކުރުމުގެ މަސައްކަތްތައް ކުރަމުން އަންނަ ކަމަށް މާލެ ސިޓީ ކައުންސިލުން ބުނެފިއެވެ.
މާލެ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ކުރެއްވި ޓްވީޓެއްގައި އޭނާ ވިދާޅުވީ ވެހިކަލް ލިމިޓްކުރުމަށް މަސައްކަތްތަކެއް ކުރަމުން އަންނަ ކަމަށެވެ. އަދި މާލެ ސިޓީ ކައުންސިލާއި، ޓްރާންސްޕޯޓް މިނިސްޓްރީ އާއި، ފުލުހުން އަދި ރައީސް އޮފީސްއާ އެކު ގިނަ މަސައްކަތްތަކެއް ކުރެވެމުންދާ ކަމަށް ޝަމާއު ވިދާޅުވި އެވެ.
އޭނާ ވިދާޅުވީ ވަރަށް އަވަހަށް ވެހިކަލް ލިމިޓްކުރުމުގެ މަސައްކަތް ފެށިގެންދާނެ ކަމަށެވެ. އަދި އެންމެން ވެސް މަސައްކަތް ކުރަނީ މާލެއަކީ ދިރިއުޅެން ފަސޭހަ، ފެހި ތަނަކަށް ހެދުމަށް ކަމަށް ޝަމައު ވިދާޅުވިއެވެ.
ވެހިކަލް ލިމިޓްކުރުމުގެ މަސައްކަތް ކުރިއަށްގެންދާއިރު، މާލެ ސިޓީ ކައުންސިލުން އަންނީ ވެހިކަލްތައް ޕާކްުކުރުމަށް ހުރި މައްސަލަތައް ހައްލުކުރުމަށް ގިނަ ޕާކިން ޒޯންތަކެއް ހަދަމުންނެވެ. އަދި އެޔާ އެކު މާލެގެ މަގުތަކުގައި ހުރި ވެހިކަލްތައް ނަގައި، މާލެ މަގަކީ ދުއްވާ މިހުންނާއި، ހިނގާ މީހުންނަށް ފެށހަ ތަނަކަށް ހެދުމަށް އަންނަނީ މަސައްކަތް ކުރަމުންނެވެ.
މާލޭގެ މަގުތަކުގައި ދުއްވުމަށް 64،000 ސައިކަލާއި 4500 ކާރު/ވޭން ރަޖިސްޓްރީކޮށްފައި ވެއެވެ. އަދި ޕިކަޕް/ލޮރީ ފަދަ 2500 އުޅަނދު ރަޖިސްޓްރީކޮށްފައި ވެއެވެ.
މާލޭގެ މަގުތަކުގެ ބޮޑުމިނަކީ 39 ހެކްޓަރެވެ.
