ސުއަރޭޒް ހަ ހަފްތާއަށް ކުޅުމާ ދުރަށް

ބާސެލޯނާގެ ސްޓަރައިކަރު ލުއިސް ސުއަރޭޒް އަށް މި ސީޒަނުގައި ދެން އިތުރަށް ނުކުޅެވޭނެ ކަމަށް އެ ކްލަބުން ބުނެފިއެވެ.

ކަނާތު ފައިގެ ކަކުލު ހުޅަށް ލިބުނު އަނިޔާއަކާ ގުޅިގެން މި މަހުގެ 25 ވަނަ ދުވަހު އޮންނަ ކޮޕަޑެލްރޭގެ ފައިނަލުގައި ބާސެލޯނާއާ ވެލެންސިއާ ބައްދަލު ކުރާ މެޗްގެ އިތުރުން ހޫނު މޫސުމުގައި އޮންނަ ކޮޕަ އެމެރިކާ މުބާރާތުގައި ޒުއަރޭޒް އަށް ކުޅެވޭނެ ކަމަށް ވަނީ ޝައްކު އުފެދިފައެވެ.

ސުއަރޭޒްގެ ފަޔަށް ލިބިފައިވާ އަނިޔާ ބެލުމަށް ކްލަބްގެ އިރުޝާދުގެ ދަށުން ބުރާސްފަތި ދުވަހު އާތްރަސްކޯޕީއެއް ހެދުމަށް ވަނީ ހަމަޖެހިފައެވެ. ސުއަރޭޒް ހަތަރު މަހާ ހަމަހާ ދޭތެރޭ ކުޅުމާ ދުރަށް ދާންޖެހޭނެއެވެ.

މި ޚަބަރު ވެގެންދާނީ ބާސެލޯނާގެ ފޭނުންނަށް ހިތާމަވެރި ޚަބަރަކަށެވެ. އަންގާރަ ދުވަހު ބާސެލޯނާއާ ލިވާޕޫލް ބައްދަލު ކުރި މެޗްގައި ސުއަރޭޒް ވަނީ 90 މިނިޓް ހަމަކޮށްފައެވެ.

މި ސީޒަނުގައި 25 ގޯލާ އެކު ސުއަރޭޒް ވަނީ ލަލީގާގެ އިތުރުން ކޮޕަޑެލްރޭގެ ފައިނަލަށް ބާސާ ގެންދިޔުމުގައި ބޮޑު ރޯލެއް އަދާ ކޮށްފައެވެ. ހޮނިހިރު ދުވަހުގެރޭ ބާސެލޯނާ ނިކުންނާނީ ތާވަލުގެ ހަތަރު ވަނާގައި އޮތް ގެޓަފޭއާ ދެކޮޅަށެވެ. އެ މެޗް ކުޅެން ހަމަޖެހިފައި ވަނީ ރާއްޖެ ގަޑިން 21:30 ގައެވެ.