ފަލަސްތީނުގެ ހަތަރު މީހަކު މަރާލުމާއެކު ޣައްޒާގެ ތެރެއިން އިސްރާއީލަށް ރޮކެޓް ހަމަލާތަކެއް
އިސްރާއީލުންވަނީ ހުކުރު ދުވަހު އިސްރާއީލުގެ ހަތަރު މީހަކު މަރާލާފައި
އިސްރާއީލަށް ދިން ހަމަލާތަކުގައި އެއްވެސް މީހަކަށް ހާނީއްކައެއް ވެފައި ނުވާކަމަށް ބުނެފައިވޭ
ވަކި ދެ ހާދިސާއެއްގައި އިސްރާއީލުން ފަލަސްތީނުގެ ހަތަރު މީހަކު މަރާލިތާ އެއް ދުވަސްފަހުން ޣައްޒާގެ ތެރެެއިން އިސްރާއީލުގެ ދެކުނުގެ ސަރަހައްދުތަކަށް ރޮކްޓް ހަމަލާތަކެއް ފޮނުވާލައިފިއެވެ.
އިސްރާއީލުގެ އަސްކަރިއްޔާއިން ބުނެފައިވަނީ ހޮނިހިރު ދުވަހުގެ ރޮކެޓް ހަމަލާތަކަށް ފަހު އެއްވެސް މީހަކަށް އަނިޔާއެއް ލިބިފައިވާކަމުގެ ރިޕޯޓެއް ނެތް ކަމަށެވެ.
ފަލަސްތީނުގެ ނޫސް އޭޖެންސީތަކުން ބުނެފައިވާގޮތުގައި ރޮކެޓް ހަމަލާތައް ދީފައިވަނީ އިސްރާއީލުގެ ހަނގުރާމަމަތީ ބޯޓުތަކުން ޣައްޒާގެ އުތުރުގެ ޓައުނެއް ކަމަށްވާ ބައިތު ހަނޫންއަށް ހަމަލާތަކެއް ދިިނުމުންނެވެ.
އިސްރާއީލުގެ ސިޓީތަކެއް ކަމަށްވާ އަޝްދޯދް އަދި އަޝްކިލޯން އިން ސައިރެންގެ އަޑު އިވިފައިވާއިރު ޣައްޒާގެ އުތުރުން ދެ ކިލޯމީޓަރެއްހާ ދުރުމިނުގައި އޮންނަ ޒިކިމް ގޮނޑުދޮށް ވަނީ ބަންދުކޮށްފައެވެ.
އިސްރާއީލާއި ފަލަސްތީނާމެދު ނުތަނަވަސްކަން އަނެއްކާ ވެސް ބޮޑުވާން ފަށާފައި މިވަނީ ތަފާތު ދެ ހާދިސާއެއްގައި އިސްރާއީލުން ފަލަސްތީނުގެ ހަތަރު މީހަކު ހުކުުރު ދުވަހު މަރާލުމާއެކުއެވެ.
މީގެ ތެރެއިން ދެ މީހަކު މަރާލާފައިވަނީ ކޮންމެ ހުކުރު ދުވަހު އިސްރާއީލުން ކުރިޔަށްގެންދާ ގްރޭޓް މާޗް އޮފް ރިޓަރން މުޒާހަރާގެ ތެރެއިން ކަމަށްވާއިރު އަނެއް ދެ މީހުން މަރާލާފައި ވަނީ އިސްރާއީލުން ވައިގެ މަގުން ދިން ހަމަލާއެއްްގައެވެ.
