ރަމަޟާންމަހު ބާއްވާ ކުރިކެޓް ކާނިވަލުގައި ބައިވެރިވާ ޓީމުތަކުގެ މެދުގައި ގުރުއަތު ނެގުމާއި ސްޕޮންސަރޝިޕް ހަވާލުކުރުމުގެ ހަފުލާގައި ރައީސުލްޖުމްހޫރިއްޔާ ބައިވެރިވެ ވަޑައިގެންފިއެވެ.
ކުރިކެޓް އިންޑޯ ހޯލްގައި ބޭއްވި މި ހަފުލާގައި ރައީސުލްޖުމްހޫރިއްޔާ ވަނީ "އޭސީސީ އަންޑަރ 19 ވެސްޓަން ރީޖަން- ދުބާއީ 2019" ގައި އެންމެ ގިނަ ރަން ހެދި ކުޅުންތެރިޔާގެ އެވޯޑު ހަވާލުކޮށްދެއްވާފައެވެ.
މީގެ އިތުރުން އިވެންޓް ސްޕަންސަރުންނާއި މި ކާނިވާ ބޭއްވުމުގައި އެހީތެރިވެދެއްވާ ފަރާތްތަކަށް ދޭ އިނާމު ވެސް އޭގެ ހައްގުވެރިންނަށް ރައީސް ވަނީ ހަވާލު ކޮށްދެއްވައިފައެވެ.
މާހެފުމަކާއެކު ކުރިއަށްދިޔަ އެ ހަފުލާގައި، މާލޭ ސްޕޯޓްސްގެ ފަރާތުން ވެސް ރައީސުލްޖުމްހޫރިއްޔާ އަށް ޚާއްޞަ އެވޯޑެއް ވަނީ އަރުވާފައެވެ.
