ސިދާތް އާއި ތާރާ ޑޭޓް ކުރަނީ؟
29 އެޕްރީލު 2019 | ހޯމަ 13:56ތާރާ ބުނެފައިވަނީ އެދެމީހުންނަކީ ދެރަހުމަތްތެރިން ކަމަށް
ސިދާތް މަލޯތްރާ އާއި ތާރާ ސުތޭރިއާ
މި އަހަރު ރިލީޒް ކުރުމަށް ހަމަޖެހިފައިވާ "ސްޓޫޑެންޓް އޮފް ދަ އިޔާ 2" އިން ބޮލީވުޑަށް ތަޢާރަފް ވެގެން ދާ ބަތަލާ ތާރާ ސުތޭރިއާ އާއި "ސްޓޫޑެންޓް އޮފް ދަ އިޔާ" އިން ބޮލީވުޑަށް ތަޢާރަފްވި ސިދާތް މަލޯތްރާ ޑޭޓް ކުރާ ކަމަށް ދެކެވޭ ވާހަކަ ތަކަށް އެންމެ ފަހުން ތާރާ ވަނީ ޖަވާބުދީފައެވެ.
ތާރާ އޭނާގެ އަންނަން އޮތް ފިލްމް ޕްރޮމޯޝަންގައި "އިޝްގް އެފް އެމް" އަށް ދިން އިންޓަވިއުގައި ބުނެފައިވަނީ އެދެމީހުން ޑޭޓް ނުކުރާ ކަމަށެވެ.
އަދި ސިދާތް އަކީ ގެކައިރި އަވައްޓެރިއެއް ކަމަށާއި އަވައްޓެރިންނަށް އޮންނަ ލޯބި އޮންނަ ކަމަށެވެ.
ތާރާ ބުނެފައިވަނީ އެދެމީހުންނަކީ ދެރަހުމަތްތެރިން ކަމަށެވެ.
މި އިންޓަވިއުގައި ތާރާ އާއި އެކު ބައިވެރިވި "ސްޓޫޑެންޓް އޮފް ދަ އިޔާ 2" ގެ އަނެއް ދެ ތަރިން ކަމަށްވާ ޓައިގާ ޝްރޯފް އާއި އަނަންޔާ ޕާންޑޭ ތާރާ އާއި ދިމާކުރަން ފެށުމުން ތާރާ ބުނެފައިވަނީ ސިދާތް އާއި އޭނާ އާއި ވަރަށް ގިނައިން ވާހަކަ ދެކެވޭ ކަމަށާއި ދައްކަނީ ފިލްމްގެ ވާހަކަ ކަމަށެވެ.
އަދި ތާރާގެ ދެވަނަ ފިލްމް ކުޅުމަށް ހަމަޖެހިފައިވަނީ ސިދާތް އާއި އެކު ކަމަށް ތާރާ ވަނީ ބުނެފައެވެ.
ސިދާތް އާއި އެކު ތާރާ ފެނިގެންދާނީ "މަރުޖާވާން" އިން ކަމަށް ރިޕޯޓްތައް ބުނެއެވެ.
ތާރާ ބޮލީވުޑަށް ތައާރަފް ވެގެންދާ ފިލްމް "ސްޓޫޑެންޓް އޮފް ދަ އިޔާ 2" އަކީ 2012 ވަނަ އަހަރު ރިލީޒް ކުރި ފިލްމް "ސްޓޫޑެންޓް އޮފް ދަ އިޔާ" ގެ ސީކުއެލް އެކެވެ.
އެ ފިލްމްގައި ލީޑް ރޯލު ކުޭޅފައިވަނީ ސިދާތްގެ އިތުރުން އާލިއާ ބަޓް އަދި ވަރުން ދަވަން އެވެ.
