އިސްކަންދަރު ސްކޫލަށް 58 އަހަރު ފުރޭ ރަސްމިއްޔާތުގައި ރައީސް ބައިވެރިވެވަޑައިގެންފި
25 އެޕްރީލު 2019 | ބުރާސްފަތި 04:54ޑިޖިޓަލް ލައިބްރަރީ، އެގްޒިބިޝަންގައި އޮކެސްޓްރާ ބޭންޑް ރައީސް ވަނީ އިފްތިތާހްކޮށްދެއްވާފައި
ރައީސުލްޖުމްހޫރިއްޔާ އިބްރާޙިމް މުހައްމަދު ސޯލިހު އެޑިޔުކޭޝަން މިނިސްޓްރީ
އިސްކަންދަރު ސްކޫލަށް 58 އަހަރު ފުރުން ފާހަގަކުރުމަށް ބޭއްވި ރަސްމިއްޔާތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބައިވެރިވެވަޑައިގެންފިއެވެ.
ބުރާސްފަތި ދުވަހު ހެނދުނު އޮތް މި ރަސްމިއްޔާތުގައި ރައީސް ސޯލިހް ވަނީ ހާއްސަ އެސެމްބްލީގައި ބައިވެރިވެވަޑައިގަތުމަށް ފަހު، ސްކޫލްގެ ޑިޖިޓަލް ލައިބްރަރީ, "ނޮލެޖް ހަބް" ހުޅުވައި ދެއްވި އެވެ. މި ލައިބްރަރީ އަކީ އިސްކަންދަރު ސްކޫލް އާއި އެ ސްކޫލަށް ހެޔޮ އެދޭ ފަރާތްތަކުގެ އެހީގައި ހުޅުވި ލައިބްރަރީއެކެވެ. މީގެ އިތުރުން "ސޭވިންގ އަވަރ ބިލަވްޑް ޕްލެނެޓް" އެގްޒިބިޝަން ވެސް ރައީސް ސޯލިހު ވަނީ ހުޅުވައިދެއްވާފައެވެ.
މި އެގްޒިބިޝަންގައި ހިމަނާފައިވަނީ އިސްކަންދަރު ސްކޫލްގެ ދަރިވަރުންގެ ކުރެހުންތަކާއި، ތައްޔާރުކޮށްފައިވާ ތަކެއްޗެވެ.
ރައީސް ސޯލިހު ވަނީ އިސްކަންދަރު ސްކޫލްގެ އޮކެސްޓްރާ ބޭންޑް އިފްތިތާހްކޮށްދެއްވާފައެވެ.
އިސްކަންދަރު ސްކޫލަށް 30 ދުވަހަށް ވުރެ ގިނަ ދުވަހު ހިދްމަތް ކުރެއްވާފައިވާ ފަރާތްތަކަށް ހަނދާނީ ފިލާ ވެސް މިއަދު ދިނެވެ.
