ލަންކާގައި ތިބި ދިވެހިންނަށް އެހީޥުމަށް ޚާއްސަ ހޮޓްލައިނެއް ފޮރިން މިނިސްޓްރީން ގާއިމް ކޮށްފި
21 އެޕްރީލު 2019 | އާދީއްތަ 06:12ތިން ފައްޅިއަކަށާއި ތިން ހޮޓެލަކަށް ވަނީ ހަމަލާދީފައި
ސްރީލަންކާގައި ދީފައިވާ ބޮމުގެ ހަމަލާތަކުގެ ސަބަބުން ސެކިއުރިޓީ ވަނީ ވަރުގަދަކޮށްފައި
ސްރީ ލަންކާގެ ކްރިސްޓިއަނުން އީސްޓަ ސަންޑޭ ފާހަގަކުރަމުން ދަނިކޮށް ތިން ފައްޅިއަކަށާއި ތިން ހޮޓަލަކަށް ދިން ހަމަލާގައި ލަންކާގައި ތިބި ދިވެހިންނަށް އެހީޥުމަށް ޚާއްސަ ހޮޓްލައިނެއް ފޮރިން މިނިސްޓްރީން ގާއިމް ކޮށްފިއެވެ.
ރާއްޖޭގެ ފޮރިން މިނިސްޓަރ އަބްދުﷲ ޝާހިދު ވިދާޅުވީ ލަންކާގައި ދިން ބޮމުގެ ހަމަލާތައް އެ މިނިސްޓްރީން ދަނީ ވަރަށް ގާތުން ބަލަމުން ކަމަށާއި ދިވެއްސަކަށް ގެއްލުމެއް ލިބިފައިވޭތޯ ބަލަމުންދާ ކަމަށެވެ.
އިމަރޖަންސީ ކޮންސިއުލަރ ހިދުމަތް ބޭނުންފުޅުވާނަމަ ކޮންސިއުލަރު ހޮޓްލައިން 7983400 އަށް އަދި 94727277072+ 94766942654+ 96079834+އަށް ގުޅުމަށް ޝާހިދު ވިދާޅުވިއެވެ.
ސްރީލަންކާއަކީ ދިވެހިން ގިނަ އަދަދަކަށް ދިރިއުޅެމުންދާ ގައުމެކެވެ. ޚާއްސަކޮށް މިއަދު ހަމަލާދީފައިވާ ކޮލަމްބޯގައި ގިނައަދަދެއްގެ ދިވެހިން ދިރި އުޅެއެވެ.
ލަންކާއަށް ދިން ބޮމުގެ ހަމަލާގެ ފަހަތުގައި ތިބި ބަޔަކާ ބެހޭ އެއްވެސް މައުލޫމާތެއް އަދި ފުލުހުން ހާމަކޮށްފައި ނުވާއިރު ލަންކާގެ ކެބިނެޓުގެ ކުއްލި ބައްދަލުވުމެއް މިހާރު ކުރިއަށް ގެންދެއެވެ. ކޮލަމްބޯގެ މަގުތަކަށް މިހާރު ވަނީ ސިފައިން ނެރެފައެވެ. މީގެ އިތުރުން އެއާޕޯޓު ވަނީ ބަންދު ކޮށްފައެވެ.
