ކ. މާލެ
|
20 އޭޕްރިލް 2019 | ހޮނިހިރު 22:22
ރިޗަރޑް ބްރައުނިންގ އޭނާގެ ސޫޓު ދައްކާލަނީ
ރިޗަރޑް ބްރައުނިންގ އޭނާގެ ސޫޓު ދައްކާލަނީ
ސީއެންބީސީ
ޓޭކް އޮން ގްރެވިޓީ
ރީތިރަށުގެ ފަޅުތެރޭގައި އިންސާނަކު އުދުހެނީ!
 
ސޫޓުގައި ހަރަކާތްތެރިވަނީ އެ ސޫޓު އުފެއްދި ރިޗަރޑް ބްރައުނިން

މާވެލްގެ ކޮމިކުތަކުންނާއި ފިލްމުތަކުން މަޝްހޫރުކަން ހޯދާފައިވާ އަޔަން މޭން އުދުހޭ ގޮތަށް އުދުހެން ފަރުމާކޮށްފައިވާ ސޫޓު އުފެއްދި ރިޗަރޑް ބްރައުނިން އޭނާގެ އުދުހޭ ސޫޓު ރާއްޖޭގައި ޓެސްޓްކޮށްލައިފިއެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކަށް ބަލާއިރު ފެންނަނީ މަޝްހޫރު ވަން އެންޑް އޮންލީ ރީތިރަށް ރިސޯޓްގެ ފަޅުތެރޭގައި ބްރައުނިން އޭނާގެ ޖެޓް ސޫޓުގައި "އުދުހޭ" މަންޒަރެވެ. ޖެޓް ބޫސްޓަރުތަކުގެ އެހީގައި އުދުހެވޭ ގޮތަށް ފަރުމާކޮށްފައިވާ ސޫޓަކީ ބްރައުނިންގެ އަމިއްލަ އުފެއްދުމެކެވެ.

"ޑެޑަލަސް މާކް 1" ގެ ނަމުން ނަންދެވިފައިވާ ސޫޓުގައި އުދުހެވެނީ އޭގައި ހަރުކޮށްފައި ހުރި ކުދިކުދި ޖެޓް އިންޖީނުތަކެއްގެ ސަބަބުންނެވެ. ބްރައުނިންގެ ގްރެވިޓީ ކުންފުނިން އުފައްދާފައިވާ ސޫޓުގެ ބުރަކަށި މަތީގައި މީގެ ދެ އިންޖީނު ހުންނަ އިރު، ކޮންމެ އަތެއްގައި ވެސް ދެ އިންޖީނު ހުރެއެވެ. މި ސޫޓަކީ އޭތި ލައިގެން ހުންނަ މީހާއަށް ދާންވާ ދިމާ ކޮންޓްރޯލް ކުރުމުގެ ގާބިލިއްޔަތުކަމާ އެކު ފަރުމާކޮށްފައިވާ ސޫޓެކެވެ.
 

އިންސާނުންގެ ވައިގެ ދަތުރުފަތުރުގެ ކުރިމަގު ބަދަލުކޮށްލާނެ ކަމަށް ބުނެ ނުކުތް އިނގިރޭސިވިލާތުގެ ގްރެވިޓީ ކުންފުނިން އުފައްދާފައިވާ ސޫޓުގައި ބޭނުންކޮށްފައިވާ ޓެކްނޮލޮޖީއަށް ގިނަ ފަރާތްތަކެއްގެ ތައުރީފު ވަނީ ލިބިފައެވެ. މި ސޫޓުގައި ހިމަނާފައިވާ ޓެކްނޮލޮޖީ ޕެޓެންޓް ކުރުމުގެ މަސައްކަތް ކުރަމަށް ފަހު ބާޒާރުން މި ބާވަތުގެ ސޫޓު ލިބޭނެ މަގު ފަހިކޮށްދޭނެ ކަމަށް އެ ކުންފުނިން ވަނީ ބުނެފައެވެ. އޭރުން ކޮންމެ މީހަކީ ވެސް އަޔަން މޭންއަކަށް ވެވިދާނެއެވެ. އަދި ކާރޫބާރޫ ބޮޑު މަގުތަކުގައި ތޮއްޖެހިގެން ވަގުތު ދުއްވާލުމުގެ ބަދަލުގައި މިފަދަ ސޫޓެއްގެ އެހީގައި ދާންވާ މިސްރާބަށް ފަސޭހަކަމާ އެކު އުދުހިފައި ދަތުރުކޮށްލެވޭނެ މަގު ފަހިވެގެންދާނެއެވެ. މި ހުވަފެން ހަގީގަތަކަށް ވާނެ ކަމުގެ ފެށުން ރާއްޖެއިން ދައްކާލުމަކީ ރާއްޖެ އަށް ލިބުނު ފަހުރެކެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
11%
39%
4%
4%
15%
26%
ކޮމެންޓް
ގުޅުންހުރި
މިމައްސަރަކީ މުޅި އުމުރުގައި ކޮށްފައިވާ ފާފައިން ތާހިރުވުމަށް ލިބޭ ފުރުސަތެއް، ރޭއަޅުކަންކުރުން އިތުރުކުރޭ: ޚުތުބާ
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ