ހެލްތު މިނިސްޓްރީން 15 އެމްބިއުލާންސް ހޯދަނީ
ބީލަމުގައި ބައިވެރިވުމަށް ރެޖިސްޓްރޭޝަން ފީއެއްގެ ގޮތުގައި 1500 ރުފިޔާ ދައްކަން ޖެހޭ
ރާއްޖޭގައި ބޭނުން ކުރާ އެމްބިއުލާންސް ތަކެއް
މިނިސްޓްރީ އޮފް ހެލްތުގެ ބޭނުމަށް 15 އެމްބިއުލާންސް ސަޕްލައިކޮށް ޑެލިވަރީ ކޮށްދޭނެ ފަރާތެއް ހޯދަން އިއުލާންކޮށްފިއެވެ.
ބުރާސްފަތި ދުވަހު ފިނޭންސް މިނިސްޓްރީން ކުރި އިއުލާނެއްގައި ބުނީ، އެ މަސައްކަތަށް ބީލަން ހުށަހެޅުމުގެ ދަޢުވަތު އެކަމަށް ޝަރުޠު ހަމަވާ ރާއްޖެ އާއި ރާއްޖޭއިން ބޭރުގެ ފަރާތްތަކަށް ހުޅުވާލަފައިވާ ކަމަށެވެ.
ބީލަމުގައި ބައިވެރިވުމަށް -/1500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީ އެއް ދައްކަންޖެހެއެވެ.
ފައިސާ ބަލައިގަންނާނީ މި މަހު 22 އިން މެއި މަހުގެ ފަސްވަނަ ދުވަހުގެ ނިޔަލަށް ބަންދު ނޫން ކޮންމެ ދުވަހަކު 8:30 އިން 12:00އަށް ކަމަށް އެ އިއުލާނުގައިވެއެވެ. އަދި ރަމަޞާން މަހު 10:00 އިން 12:00 އަށެވެ.
ފިނޭންސް މިނިސްޓްރީން ބުނީ، ޕްރޮޖެކްޓުގެ ބިޑްސެކިޔުރިޓީގެ ގޮތުގައި 50,000/-ރ (ފަންސާސް ހާސް ރުފިޔާ ނުވަތަ އެ ޢަދަދާ އެއްވަރެއްގެ ޢަދަދެއްގެ ޔޫ.އެސް.ޑޮލަރު) ހުށަހަޅަން ޖެހޭނެ ކަމަށެވެ.
އަދި ބިޑް ސެކިޔުރިޓީގެ މުއްދަތަކީ ބިޑް ހުޅުވާ ތާރީޚުންފެށިގެން 148 ދުވަސް ކަމަށްވެސް ފިނޭންސް މިނިސްޓްރީން ބުންޏެވެ.
ބީލަން ހުޅުވުން އޮންނާނީ މޭމަހުގެ އަށްވަނަ ދުވަހު އެ މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައެވެ. ބީލަންތައް ހުންނަންވާނީ ސިޓީއުރައެއްގައި ބަންދުކުރެވިފައެވެ. ބޭރުގައި ބީލަމަށް ދެވިފައިވާ ނަން، ހުޅުވަން ކަނޑައެޅިފައިވާ ތާރީޚާއި ވަޤުތު އަދި ބީލަން ހުށަހަޅާ ފަރާތުގެ ނަން ލިޔެވިފައި އޮންނަންވާނެ ކަމަށްވެސް އެ އިއުލާނުގައިވެއެވެ.
އެމްބިއުލާން ހޯދަން އިއުލާން ކޮށްފައިވާއިރު، ގައުމީ ސީ އެމްބިއުލާންސްގެ ހިދުމަތް ވަރަށް އަވަހަށް ތައާރަފް ކުރާން ނިންމާފައިވާ ކަމަށް ހެލްތް މިނިސްޓަރު ޢަބްދުﷲ ވަނީ ވިދާޅުވެފައެވެ.
