އާޖްކަލްގައި ކާތިކްގެ ފުރަތަމަ ފެނިލުން ވަރަށް ތަފާތު
މި ފޮޓޯގައި ކާތިކް ފެނިގެންދަނީ ސްކޫލް ބޯއީއެއްގެ ރޯލުން
ކާތިކް އާރްޔަން
ބޮލީވުޑްގައި އަރަމުން އަންނަ ތަރި ކާތިކް އާރްޔަން މިވަގުތު ދަނީ އޭނާގެ އަންނަން އޮތް ފިލްމް "އާޖްކަލް"ގެ ޝޫޓިންތައް ކުރިއަށް ގެންދަމުންނެވެ.
އިމްތިއާޒް އަލީ ޑައިރެކްޓް ކުރާ މި ފިލްމްގ ޝޫޓިންތައް އުދައިޕޫރުގައި މިހާރު ކުރިއަށް ދާއިރު މި ފިލްމްގައި ކާތިކްގެ ފުރަތަމަ ފެނިލުން ވަނީ އިންޓްނެޓްގައި ދައުރުވާން ފަށާފައެވެ. މި ފޮޓޯގައި ކާތިކް ފެނިގެންދަނީ ސްކޫލް ބޯއީއެއްގެ ރޯލުންނެވެ. ޔުނިފޯމްގައި އޭނާ ފެނިގެންދަނީ ރައްޓެހިންނާއި އެކު ސްކޫޓަރއެއްގައި ދަނިކޮށެވެ.
މި ފޮޓޯގައި ކާތިކްގެ ހެއަރ ސްޓައިލް ވެސް ފެނިގެންދަނީ ތަފާތު ގޮތަކަށެވެ. މި ފޮޓޯއިން ފެންނަ ފެނުމުން ކާތިކް އަދާކޮށްފައިވަނީ އޭނާގެ އުމުރަށްވުރެން ޅަ ކުއްޖެއްގެ ރޯލެވެ.
"އާޖްކަލް" އަކީ 2009 ވަނަ އަހަރު ރިލީޒް ކުރި އިމްތިއާޒްގެ ފިލްމް "ލަވް އާޖްކަލް" ގެ ސީކުއެލް އެކެވެ. މި ފިލްމްގައި ލީޑް ރީލޯން ފެނިގެން ގޮސްފައިވަނީ ސައިފް އަލި ޚާން އާއި ދިޕިކާ ޕަދުކޯން އެވެ.
"އާޖްކަލް" ގައި ކާތިކް އާއި އެކު ފެނިގެން ދާނީ ސާރާ އަލީ ޚާން އެވެ.
