ހޮނިހިރު 25 މެއި 2019
06 ރޯނު
1440 ރަމަޟާން 20
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ރާއްޖެ - ސީލައިފް ގްލޯބަލް

ސީލައިފްގެ އެމްޑީ ހޯދަން އިންޓަޕޯލްގައި އެދިއްޖެ

  • ސީލައިފް އިން ވަނީ ގިނަ ބައެެއްގެ އަތުނ ފައިސާ ނަގާފައި

އަލީ ސަމާޚް
AliSamah8

ކ. މާލެ 19 އޭޕުރިލް 2019 | ހުކުރު 08:07 4,739

ސީލައިފް ގްލޯބަލް ކޮމްޕެނޯ - ރާއްޖެއެމްވީ

ފްލެޓް ވިއްކާނެ ކަމަށް ބުނެ ގިނަ ބައެއްގެ އަތުން މަކަރާއި ހީލަތުން ފައިސާ ނަގާފައިވާ ސީލައިފް ގްލޯބަލް ކުންފުނީގެ މެނޭޖިން ޑިރެކްޓަރު އަހުމަދު މޫސާ މުހައްމަދު (އައްމަޓީ) ހޯދުމަށް ރެޑް ނޯޓިސް ނެރެން ފުލުހުން އިންޓަޕޯލްގައި އެދިއްޖެއެވެ.

އެ ކުންފުނިން ވަނީ އޮޅުވާލައިގެން 180 އަށް ވުރެ ގިނަ މީހުން އަތުން ފައިސާ ނަގައި ގިނަ ބަޔަކު ހާލުގައި ޖައްސާފައެވެ. ނިމިގެން ދިޔަ އަހަރުގެ ނޮވެމްބަރު މަހު ސީލައިފް ކުންފުންޏާ ދެކޮޅަށް 191 މީހަކު ވަނީ ސިވިލް ކޯޓަގައި ދައުވާކޮށްފިއެވެ.

ފޮލިސް ކޮމިޝަނަރު މުހައްމަދު ހަމީދު ބުރާސްފަތި ދުވަހު ކުރެއްވި ޓްވީޓެއްގައި ވިދާޅުވީ، ސީލައިފް މައްސަލާގައި ތުހުމަތު ކުރެވޭ ވ. ތިނަދޫ، ރެޑް ހައުސް، އަހުމަދު މޫސާ މުހައްމަދު ހޯދުމަށް ރެޑް ނޯޓިސް ނެރެދިނުމަށް އިންޓަޕޯލްގައި އެދިފައިވާ ކަމަށެވެ. ރެޑް ނޯޓިސް ނެރެނީ ފުލުހުން ބަލަމުންދާ މައްސަލައެއްގައި ތުހުމަތު ކުރެވޭ މީހަކު ތަހުގީގަށް ހާޒިރުނުވުމުންނެވެ.

 

ސީލައިފްގެ މައްސަލަ ފެންމަތިވުމާ އެކު އައްމަޓީ ވަނީ ރާއްޖެއިން ފިލާފައެވެ. ބައެއް މީޑިއާތަކުން ރިޕޯޓް ކުރާ ގޮތުގައި އޭނާ ދިރިއުޅެމުން އަންނަނީ އަވަށްޓެރި ސްރީލަންކާގައެވެ. 

 

ރެޑް ނޯޓިސް ނެރެފައިވާ ދިވެހިންތަކެއް. ފޮޓޯ: އިންޓަޕޯލް

 

ރާއްޖޭގައި މިހާތަނަށް ހިންގި އެންމެ ބޮޑު ހިޔާނާތުގެ މައްސަލާގައި ރެޑް ނޯޓިސް ނެރެފައިވާ ހަތަރު މީހަކު ނަން  ދައުލަތުން އެދިގެން  ބުދަ ދުވަހު  ވަނީ ނަގާފައެވެ. އެގާރަ ދިވެއްސަކު ހޯދުމަށް އިންޓަޕޯލް މެދުވެރިކޮށް ރެޑް ނޯޓިސް ނެރެފައިވެއެވެ. އޭގެ ތެރޭގައި، 1988 ވަނަ އަހަރުގެ ނޮވެމްބަރު ތިން ވަނަ ދުވަހު ރާއްޖެއަށް ދިން ޢުދުވާނީ ހަމަލާގައި ބައިވެރިކަމުގެ ތުހުމަތުގައި ހިމެނޭ އަބްދުﷲ ލުތުފީ ވެސް ހިމެނެއެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް