ހޯމަ 09 ޑިސެންބަރު 2019
13 ދޮށަ
1441 ރަބީޢުލްއާޚިރު 12
ފަތިސް 04:43
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:57
އިޝާ 19:14
ކުޅިވަރު - ޕްރިމިއާ ލީގު

ޕްރިމިއާ ލީގު: ހަޑަސްފިލްޑް ބަލިކޮށް ޓޮޓެންހަމް ތިންވަނައަށް ޖެހިލައިފި

  • ހަޑަސްފިލްޑްގެ މައްޗަށް ޓޮޓެންހަމް ކުރިހޯދީ 0-4 ގެ ނަތީޖާއަކުން

ލީވާން އަލީ
MrLeevaan

ކ. މާލެ 13 އޭޕުރިލް 2019 | ހޮނިހިރު 19:10 2,863

ޓޮޓެންހަމްގެ ކުޅުންތެރިން އުފާފާޅުކުރަނީ - ޓްވިޓަރ

ޕްރިމިއާ ލީގުގައި ހަޑަސްފިލްޑް ޓައުން ބަލިކޮށް ޓޮޓެންހަމް ހޮޓްސްޕާ ޕޮއިންޓް ތާވަލުގެ ތިންވަނައަށް ޖެހިލައިފިއެވެ.

ހޮނިހިރު ދުވަހު ކުޅުނު މެޗު ޓޮޓެންހަމުން ކާމިޔާބު ކުރީ ހަޑަސްފިލްޑްއާ ވާދަކޮށް 0-4 ގެ ތަފާތުބޮޑު ނަތީޖާއަކުންނެވެ.

ޓޮޓެންހަމް ދަނޑުގައި ކުޅުނު މި މެޗު ފެށިގެން 24 ވަނަ މިނެޓުގައި އެޓީމުން ވަނީ މެޗުގެ ލީޑު ނަގާފައެވެ. މި ލަނޑު ލޮރެންޓޭގެ އެހީތެރިކަމާއެކު ކާމިޔާބުކުރީ ވަންޔަމާއެވެ.

މި ލަނޑަށްފަހު ވެސް ޓޮޓެންހަމުން ދިޔައީ ރަނގަޅަށް ކުޅެމުންނެވެ. އެގޮތުން 27 ވަނަ މިނެޓުގައި ސިސޮކޯގެ އެހީތެރިކަމާއެކު ލޫކަސް މޯރާ ވަނީ ލީޑު ފުޅާކޮށްދީފައެވެ.

ދެވަނަ ހާފް ފެށިގެން ވެސް ރަނގަޅަށް ކުޅެމުންދިޔައީ ޓޮޓެންހަމުންނެވެ. މި ލަނޑު ވެސް އެޓީމަށް ކާމިޔާބު ކޮށްދިނީ ކްރިސްޓިއަން އެރިކްސަންގެ އެހީތެރިކަމާއެކު މޯރާއެވެ.

މޯރާ އޭނާގެ ހެޓްރިކް ފުރިހަމަކުރީ އިތުރުވަގުތުގައި ސޮންގެ އެހީތެރިކަމާއެކު ކާމިޔާބުކުރި ލަނޑުންނެވެ. މިއާއެކު އޭނާ ވެގެންގޮސްފައިވަނީ ޕްރިމިއާ ލީގުގައި ހެޓްރިކް ހެދި ބްރެޒިލްގެ ހަތަރުވަނަ ކުޅުންތެރިޔާއެވެ.

މި ނަތީޖާއާއެކު ޓޮޓެންހަމް އޮތީ ކުޅުނު 33 މެޗުން ލިބުނު 67 ޕޮއިންޓާއެކު ޕޮއިންޓް ތާވަލުގެ ތިންވަނައިގައެވެ. މެޗުން ބަލިވި ހަޑަސްފިލްޑް އޮތީ 34 މެޗުން ލިބުނު 14 ޕޮއިންޓާއެކު ޕޮއިންޓް ތާވަލުގެ ފުލުގައެވެ.

ޓޮޓެންހަމް ތިންވަނައިގައި އޮތް ނަމަވެސް ހޮނިހިރު ދުވަހުގެ ރޭ އަދި އާދީއްތަ ދުވަހުގެ ރޭ ކުޅޭ މެޗުތަކަށް ފަހު މަގާމު ބަދަލުވުން އެކަށީގެންވެއެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް