ރަސްފަންނަށް މޫދަށް އެރޭ ސަރަހައްދުގައި ނަޖިސްތައް ދައުރުވާކަމުގެ ޝަކުވާ ބޮޑުވުމުން، ރަސްފަންނަށް މޫދަށް އެރުން މަނާކޮށްފިއެވެ.
މާލެ ސިޓީ ކައުންސިލުން ބުނީ ރަސްފަންނަށް މޫދަށް އެރުން މަނާކުރީ ބަލަންޖެހޭ ބައެއް ކަންކަން ބެލުމަށް ކަމަށާއި ހުޅުވާނެ ވަކި ތާރީހެއް ފަހުން އިއުލާން ކުރާނެ ކަމަށެވެ.
Samaalkamah:
— Male' City Council (@MaleCitymv) March 29, 2019
Rasfannu Moodhu mivaguthah vany bandhu kurevifai.
Balan jehey baeh kankan belumahfahu hulhuvaane vaki thaareeheh fahun iulaan kureveyne. @HPA_MV @EnvGovMv @PoliceMv pic.twitter.com/ALd08D7TcK
ރަސްފަންނު މޫދުގައި ނަޖިސް ދައުރުވާ ކަމުގެ ޝަކުވާ ބޮޑުވެ، އެތަނުން ފެނުނު ނަޖިސްތަކެއްގެ ފޮޓޯއާ އެކު ސޯޝަލް މީޑިއާގައި ބައެއް މީހުން ދަނީ ކަންބޮޑުވުންފާޅު ކުރަމުންނެވެ. ރަސްފަންނުން ނަޖިސް ފެނުމާ އެކު، އެ މައްސަލަ ފުލުހުންނަށް ހުށަހެޅުމުން، ހުކުރު ދުވަހުގެ ރޭގެ ވަގުތެއްގައި ފުލުހުން ވަނީ އާންމުންނަށް މޫދަށް ނޭރެވޭ ގޮތަށް ކޯޑަންކޮށްފައެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ރަސްފަންނު މޫދުގައި ނަޖިސް ދައުރުވެ، ތަގައްޔަރުވެފައިވާ ކަމުގެ ޝަކުވާ ލިބިފައިވާ ކަމަށާއި އެކަން ބަލަމުންދާތީ މޫދަށް ނޭރުމަށް އިލްތިމާސްކުރާ ކަމަށެވެ.
Alert : Following reports of fecal contamination in #Rasfannu waters, Ministry of Health is undertaking necessary measures. Meanwhile,we urge the public to be vigilant and not to use the #rasfannu waters until further notice. @MFDA_mv @MaleCitymv @EnvGovMv @EducationMV @MoH_mv
— HPA Maldives (@HPA_MV) March 29, 2019
ރަސްފަންނަށް ނަޖިސް ބޭރުވުމަކީ އާންމު ކަމެކެވެ. އެގޮތުން އެ ސަރަހައްދު ކަނޑައަށް ގުޅާފައިވާ ނަޖިސް ހޮޅިތައް ފަޅައިގެން ގޮސް، ނަޖިސް ލީކުވެއެވެ.
