އައިބީގެ ކެންޕެއިންގެ ބިލްބޯޑެއް އަންދާލުމުން އެކަން އޭނާގެ ކެންޕެއިން ޓީމުން ކުށްވެރިކޮށްފި
21 މާރިޗު 2019 | ބުރާސްފަތި 07:16އިބްރާހިމް ދީދީ އަކީ މިހާރު ވެސް އެ ދާއިރާގެ މަޖިލިސް މެމްބަރު
ފޭދޫ ދާއިރާގެ މެމްބަރު އިބްރާހިމް ދީދީ
އައްޑޫސިޓީގެ ފޭދޫ ދާއިރާއަށް އަމިއްލަ ގޮތުން ކުރިމަތި ލައްވަވާފައިވާ ކެންޑިޑޭޓު އިބްރާހިމް ދީދީ (އައިބީ) ގެ ކެމްޕެއިން ޕޯސްޓަރެއް އަންދާލުމާއި ގުޅިގެން އޭނާގެ ކެންޕެއިން ޓީމުން އެކަން ކުށްވެރި ކޮށްފިއެވެ.
އިބްރާހިމް ދީދީގެ ކެންޕެއިންޓީމުން ނެރެފައިވާ ބަޔާނެއްގައި ބުނެފައިވަނީ އޭނާގެ ކެންޕެއިންގައި ރަށުތެރޭގައި ޖަހާފައިވާ އެއް ބިލްބޯޑު އަންދާލާ އަދި އަނެއް ބިލްބޯޑު ބިންދާލާ އެއްލާލާފައިވުމުން އެކަން ހަރުކަށި އިބާރާތުން ކުށްވެރި ކުރާ ކަމަށެވެ. މިފަދަ އަމަލު ނުހިންގުމަށާއި ކެންޕެއިން ކުރުމުގެ ފޯރިގަދަ ނަމަވެސް އަމާން މާހައުލު ދެމެހެއްޓުމަށް އެދޭ ކަމަށެވެ.
އެއީ އިބްރާހިމްދީދީގެ ވާދަވެރި ކެންޑިޑޭޓެއްގެ ކިބައިން ފެންނާނެ އަމަލެއް ކަމަށް އެޓީމުން ގަބޫލު ނުކުރާ ކަމަށާއި އެފަރާތާއި ނިސްބަތްކޮށް އެފަދަ އެއްވެސް ވާހަކައެއް ނުދެއްކުމަށް ސަޕޯޓަރުން އެދޭކަމަށް އެ ބަޔާނުގައި ބުނެފައި ވެއެވެ. އަދި އެމައްސަލަ ފުލުހަށް ހުށައަޅާފައިވާ ކަމަށް ވެސް އެ ބަޔާނުގައި ބުނެފައި ވެއެވެ.
ކެމްޕެއިން ޕޯސްޓަރެއް އަންދާލާފައި
އިބްރާހިމް ދީދީ އަކީ މިހާރު ވެސް އެ ދާއިރާގެ މަޖިލިސް މެމްބަރެވެ. އޭނާއާއި އެކު އެދާއިރާއަށް ކުރިމަތި ލައްވާ ކެންޑިޑޭޓަކީ އެމްޑީޕީގެ ކެންޑިޑޭޓް މުހައްމަދު ނިހާދެވެ.
