ހޮނިހިރު 21 ސެޕްޓެންބަރ 2019
01 އަތަ
1441 މަހައްރަމް 22
ފަތިސް 04:43
އިރުއަރާ 05:54
މެންދުރު 12:03
އަސްރު 15:06
މަޣްރިބް 18:05
އިޝާ 19:16
ކުޅިވަރު - ޗެމްޕިއަންސް ލީގު

ޗެމްޕިއަންސް ލީގު: އަމިއްލަ ދަނޑުގައި ލިޔޯން ބަލިކޮށް ބާސާ ކުއާޓާއަށް

  • ލިޔޯންގެ މައްޗަށް ބާސާ ކުރިހޯދީ 1-5 ގެ ނަތީޖާއަކުން

ލީވާން އަލީ
MrLeevaan

ކ. މާލެ 14 މާރޗް 2019 | ބުރާސްފަތި 07:49 3,083

ބާސާގެ ކުޅުންތެރިން އުފާފާޅުކުރަނީ - ޓްވިޓަރ

ޔުއެފާ ޗެމްޕިއަންސް ލީގުގައި އަމިއްލަ ދަނޑުގައި ލިޔޯން ބަލިކޮށް ބާސެލޯނާ ކުއާޓާއަށް ދަތުރުކޮށްފިއެވެ.

ބުދަ ދުވަހުގެ ރޭ ކުޅުނު ދެވަނަ ލެގުގެ މެޗު ލިޔޯންއާ ވާދަކޮށް ބާސާއިން މެޗު ކާމިޔާބުކުރީ 1-5 ގެ ނަތީޖާއަކުންނެވެ. ބާސާ އަދި ލިޔޯން ބައްދަލުކުރި ފުރަތަމަ ލެގުގެ މެޗު ނިމުނީ 0-0 ގެ ނަތީޖާއިން އެއްވަރުވެގެންނެވެ. އެގޮތުން ބާސާ ކުއާޓާއަށް ދަތުރުކުރީ 1-5 ގެ އެގްރިގޭޓް ނަތީޖާއަކުންނެވެ.

ބާސާ ދަނޑުގައި ކުޅުނު މި މެޗު ފެށިގެން 17 ވަނަ މިނެޓުގައި އެޓީމުން ވަނީ ލީޑު ނަގާފައެވެ. މި ލަނޑު އެޓީމަށް ލިބުނު ޕެނަލްޓީއަކުން ކާމިޔާބުކުރީ ކެޕްޓަން ލިއޮނެލް މެސީއެވެ.

މި ލަނޑަށް ފަހު ވެސް ރަނގަޅަށް ކުޅެމުންދިޔައީ ބާސާއިންނެވެ. އެގޮތުން 31 ވަނަ މިނެޓުގައި އެ ޓީމުން ވަނީ ލީޑު ފުޅާކޮށްފައެވެ. މި ލަނޑު ލުއިސް ސުއަރޭޒްގެ އެހީތެރިކަމާ އެކު ކާމިޔާބުކުރީ ފިލިޕޭ ކުޓީނިއޯއެވެ.

ދެވަނަ ހާފް ފެށިގެން މާގިނައިރުތަކެއް ނުވަނީސް ލިޔޯން އިން ވަނީ ނަތީޖާގެ ފަރަގު ކުޑަކޮށްފައެވެ. މި ލަނޑު އެ ޓީމަށް ކާމިޔާބުކޮށްދިނީ ޓޯސާޓްއެވެ.

ނަމަވެސް ބާސާ އިން ވަނީ 78 ވަނަ މިނެޓުގައި ލީޑު އިތުރަށް ފުޅާކޮށްފައެވެ. މި ލަނޑު ކާމިޔާބުކުރީ ސާޖިއޯ ބުސްކެޓްސްގެ އެހީތެރިކަމާ އެކު މެސީއެވެ. އޭގެ ހަތަރު މިނެޓު ފަހުން ބާސާގެ ހަތަރު ވަނަ ލަނޑު މެސީގެ އެހީތެރިކަމާ އެކު ކާމިޔާބުކުރީ ޖެރާޑް ޕީކޭއެވެ.

ބާސާއިން މެޗުގައި ޖެހި ފަސްވަނަ ލަނޑު 86 ވަނަ މިނެޓުގައި އުސްމާން ޑެމްބެލޭ ކާމިޔާބުކުރިއިރު، އޭނާ މި ލަނޑު ކާމިޔާބުކުރީ މެސީގެ އެހީތެރިކަމާ އެކުގައެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް