ސީނިއާ އަންހެން ޤައުމީ ބާސްކެޓްބޯލް ޓީމް ސްކޮޑްގެ ޓްރައިއައުޓް ސެޝަންގައި ބައިވެރިވުމުގެ ފުރުޝަތު ހުޅުވާލައިފި
13 މާރިޗު 2019 | ބުދަ 17:20ހުޅުވާލައިފައި ވަނީ ސްކޮޑްގެ ޓްރައިއައުޓް ސެޝަންގައި ބައިވެރިވުމުގެ ފުރުޝަތު
ބާސްކެޓްބޯލް މެޗެއްގެ ތެރެއިން
ސީނިއާ އަންހެން ގައުމީ ބާސްކެޓްބޯލް ސްކޮޑްގެ ޓްރައިއައުޓް ސެޝަންގައި ބައިވެރިވުމުގެ ފުރުޝަތު ހުޅުވާލައިފިއެވެ.
ބާސްކެޓްބޯލް އެސޯސިއޭޝަން އޮފް މޯލްޑިވްސްއިން ސެޝަންގައި ބައިވެރިވުމުގެ ފުރުޝަތު ހުޅުވާލާފައިވަނީ އަންގާރަ ދުވަހު އެ އެސޯސިއޭޝަނުން ނެރުނު އިއުލާނުގައެވެ.
ބާސްކެޓްބޯލް އެސޯސިއޭޝަނުން ނެރެފައިވާ އިއުލާނުގައިވަނީ އަންހެން ގައުމީ ބާސްކެޓްބޯލް ސްކޮޑްގެ ޓްރައިއައުޓް ސެޝަންގައި ބައިވެރިވުމުގެ ފުރުޝަތު ހުޅުވައިލެވިފައިވާ ކަމަށާއި، ސެޝަންގައި ބައިވެރިވުމަށް ޝައުގުވެރިވާ ކުޅުންތެރިން ޝައުގުވެރިކަން ފާޅުކޮށް އެކުޅުންތެރިންގެ ފުރިހަމަނަމާއި އުފަން ތާރީޙް އަދި ދިވެހިރައްޔިތެއްކަން އަންގާއިދޭ ކާޑު ނަންބަރު އެނގޭނެގޮތަށް 20 މާރޗް ވާ ބުދަ ދުވަހުގެ 14:00 ގެ ކުރިން އެ އެސޯސިއޭޝަންގެ އީމެއިލްއަށް މެއިލް ކުރުމަށެވެ.
ބާސްކެޓްބޯލް އެސޯސިއޭޝަނުން ވަނީ މީގެ ކުރިން ސީނިއާ ފިރިހެން ގައުމީ ބާސްކެޓްބޯލް ސްކޮޑްގައި ބައިވެރިވުމުގެ ފުރުޝަތު ވެސް ހުޅުވާލާފައެވެ.
