ގެސްޓްހައުސެއްގެ ތެރޭގައި ޒުވާނަކު މަރުވެފައި އޮއްވާ ފެނިއްޖެ
މަރުވެފައި އޮއްވާ ފެނުނީ މަރަދޫ ޒުވާން ފިރިހެނެއް
މަރުވެފައި އޮއްވާ ފެނުނު މީހަކު ގެއަކުން ނެރުމަށް ފުލުހުން މިދިޔަ މަހު ހަރަކާތްތެރި ވަނީ
ގެސްޓްހައުސެއްގެ ތެރޭގައި ޒުވާނަކު މަރުވެފައި އޮއްވާ ފެނިއްޖެއެވެ.
ފުލުހުން ބުނީ ގަލޮޅުގައި ހުރި ގެސްޓްހައުސެއްގެ ކޮޓަރިއަކަށް ވަން މީހަކު ނުނިކުމެގެން ހުކުރު ދުވަހުގެ ދަންވަރު 1:07 އެހާއިރު ފުލުހުންނަށް ރިޕޯޓު ކުރުމުން، އެ ކޮޓަރިއަށް ފުލުހުން ވަން އިރު 34 އަހަރުގެ ދިވެހި ފިރިހެނަކު މަރުވެފައި އޮއްވާ ފެނިފައިވާ ކަމަށެވެ. އޭނާގެ ބޭރުފުށުން އެއްވެސް އަނިޔާއެއް ފެންނަން ނެތް ކަމަށް ފުލުހުން ބުންޏެވެ.
މަރުވެފައި އޮއްވާ ފެނުނު މީހާގެ ވަނަވަރެއް ފުލުހުން ހާމައެއް ނުކުރެއެވެ. ނަމަވެސް ރާއްޖެއެމްވީއަށް އެނގިފައިވާ ގޮތުގައި މަރުވެފައި އޮއްވާ ފެނުނީ އައްޑޫ ސިޓީ މަރަދޫ އަށް ނިސްބަތްވާ މީހެކެވެ.
ޚަބަރެއް ނުވާތާ ތިން ދުވަސް ފަހުން ހޯދި ޒުވާނަކު މަރުވެފައި އޮއްވާ މިއަަހަރުގެ ޖެނުއަރީ މަހު ވެސް ގެއެއްގެ ތެރެއިން ވަނީ ފެނިފައެވެ. އެފަދަ ޒުވާނުން މަރުވާން ދިމާވާ ސަބަބު ހޯދައި، އެ މަރުތަކުގެ ތަފްސީލު ފުލުހުން އާންމެއް ނުކުރެއެވެ.
