ކޫލީ ނަންބަރު ވަންގެ ރީމޭކްގައި ވަރުން ދަވަން
8 މާރިޗު 2019 | ހުކުރު 08:39މި ފިލްމްގެ ބަތަލާގެ ނަން އަދި ހާމައެއް ނުކުރޭ
ވަރުން ދަވަން
ނަވާރަ ސަތޭކަ ނުވަ ދިހަ ފަސް ވަނަ އަހަރު ރިލީޒް ކުރި ސުޕަރ ހިޓް ފިލްމް "ކޫލީ ނަންބަރު 1" ގެ ރީމޭކްގައި ބަތަލާގެ ރޯލުން ފެނިގެން ދާނީ ވަރުން ދަވަން ކަމަށް އޭނާ ބުނެފިއެވެ.
ބީބީސީއަށް ދިން އިންޓަވިއުއެއްގައި ވަރުން ބުނެފައި ވަނީ އެ ފިލްމުން އޭނާ ފެނިގެންދާނެ ކަމަށާއި ފިލްމް ޑައިރެކްޓް ކުރުމަށް ހަމަޖެހިފައިވަނީ ވަރުންގެ ބައްޕަ ޑޭވިޑް ދަވަން ކަމަށެވެ.
ކޫލީ ނަންބަރު 1 ގައި ލީޑް ރޯލް ކުޅެފައިވަނީ ގޯވިންދާ އާއި ކަރިޝްމާ ކަޕޫރެވެ. މި ފިލްމް ވެސް ޑައިރެކްޓް ކޮށްފައިވަނީ ހަމަ ޑޭވިޑް ދަވަން އެވެ.
މި ފިލްމްގައި ބަތަލާގެ ރޯލުން ފެނިގެން ދާނީ އާލިއާ ބަޓް ނޫނީ ސާރާ އަލީ ޚާންތޯ ކުރި ސުވާލުގެ ޖަވާބުގައި ބުނެފައިވަނީ އާލިއާ އާއިއެކު ހުރިހާ ފިލްމެއް ނުކުޅެވޭނެ ކަމަށާއި މި ފިލްމްގެ ބަތަލާއަކީ ކާކުކަން ވަރަށް އަވަހަށް އިނގޭނެ ކަމަށެވެ. ފިލްމްގެ ބަތަލާ އާއި ބެހޭ ގޮތުން މި ވަގުތު ވާހަކަ ދައްކަން ބޭނުން ނުވާ ކަމަށާއި ނަމަވެސް އާލިއާއާއެކު މި ފިލްމްގެ މަސައްކަތް ނުކުރާނެ ކަމަށް ވަރުން ވަނީ ބުނެފައެވެ.
ވަރުން އެންމެ ފަހުން ފެނިގެން ގޮސްފައިވަނީ ޝޫޖިތް ސިރްކާސްގެ ފިލްމް "އޮކްޓޯބަރ" އިންނެވެ. ކަރަން ދެން އެންމެ އަވަހަށް ފެނިގެންދާނީ ކަރަން ޖޯހަރުގެ ފިލްމް "ކަލަންކް" އިންނެވެ. މި ފިލްމްގައި ވެސް ވަރުން ފެނިގެންދާނީ އާލިއާ އާއި އެކުގައެވެ.
