ޓްރީ ޓޮޕް ހޮސްޕިޓަލުގެ ޚިދުމަތަށް އެއް އަހަރު ފުރުމުގެ މުނާސަބާ ފާހަގަކުރުމުގެ ގޮތުން ބާއްވާ ވެލްނެސް ކޭމްޕްގައި ހިލޭ ސްޕެޝަލިސްޓް ޑޮކްޓަރުންނަށް ދެއްކޭނެ ކަމަށް އެ ހޮސްޕިޓަލުން ބުނެފިއެވެ.

އެ ހޮސްޕިޓަލް އިން ބުނީ މި ވެލްނެސް ކޭމްޕްގެ ހަރަކާތްތައް ކުރިއަށް ގެންދިއުމަށް ހަމަޖެހިފައިވަނީ، 9 މާރޗްވާ ހޮނިހިރު ދުވަހު 9:00 އިން އިން ފެށިގެން އިރުއޮއްސި 6:00 އަށް ކަމަށެވެ. އެ ގޮތުން މި ކޭމްޕް މެދުވެރިކޮށް އަންހެނުންނާއި، ޖެނެރަލް ސަރޖަރީ، އެތެރެހަށި، ކަރުންމަތީ، ކުޑަކުދިންނާއި، ހަމާއި، ކިޑްނީ އާއި ކުޑަކަމުދާ ނިޒާމާއި، ޕްލާސްޓިކް ސާޖަރީގެ އިތުރުން ކަށީގެ ހާއްސަ ޑޮކްޓަރުންނަށް ދެއްކުމުގެ ފުރުސަތު ލިބިގެނދާނެއެވެ.

މި ވެލްނަސް ކޭމްޕުގައި ބައިވެރިވާ ފަރާތްތަކަށް ބޭނުންވެއްޖެ ނަމަ9  މާރޗުން ފެށިގެން ދެ ހަފްތާ ތެރޭގައި ފޮލޮއަޕް ކޮންސަލްޓޭޝަން ވެސް ހޯދުމުގެ ފުރުސަތު ވެސް ހިލޭ ލިބިގެނދާނެ ކަމަށް އެ ހޮސްޕިޓަލުން މައުލޫމާތުދެއެވެ. އަދި ކަންޑައެޅިފައިވާ ލެބްރޮޓަރީ އާއި ރޭޑިއޮލޮޖީ ޓެސްޓްތަކަށް 10 އިންސައްތަ ޑިސްކައުންޓް ލިބޭނެއެވެ.

މީގެ އިތުރުން ޓްރީ ޓޮޕް ހޮސްޕިޓަލުން (Together Wellness) ނަމުގައި އަންހެނުންނާއި، ފިރިހެނުންނަށް ޚާއްސަކޮށް ކެއަރ ޕެކޭޖުތަކެއް ހެޔޮ އަގުތަކެއްގައި، މި މާރޗްމަހުގެ ނިޔަލަށް ފޯރުކޮށްދިނުމަށް އެ ހޮސްޕިޓަލުން ވަނީ ނިންމާފައެވެ. މި ޕެކޭޖުތެރޭގައި މެޑިކަލް ޗެކަޕް، ފިޒިކަލް އެގްޒެމިނޭޝަން އަދި ލެބްރޮޓަރީހިދުމަތް ވެސް ހިމެނެއެވެ. މި ޕެކޭޖުގެ އަގުތަކަކީ 40 އަހަރުން ދަށުގެ މީހުންނަށް 1000ރ. އަދި 40 އަހަރުން މަތީގެ މީހުންނަށް 1500ރ. އެވެ.

ޓްރީ ޓޮޕް ހޮސްޕިޓަލް ހުޅުވާފައި ވަނީ ވަނީ 1 މާރޗް 2018 ގައެވެ.