ޕްރައިމަރީގައި ބަލިވާ ފަރާތްތަކަށް ވާދަކުރުން މަނާކުރުން ގާނޫނު އަސާސީއާ ހިލާފު ކަމަށާއި އެކަން ބަދަލު ކުރުމަށް ސުޕްރީމް ކޯޓަށް އެމްޑީޕީ ޕްރައިމަރީގައި ކާށިދޫ ދާއިރާ އަށް ވާދަކުރައްވައި ނާކާމިޔާބީއާ ކުރިމަތިއްލައްވަން ޖެހިވަޑައިގަތް އަބްދުﷲ ޖާބިރު ހުށަހަޅާފައިވާ މައްސަލައިގެ އަޑުއެހުން ހޯމަ ދުވަހު ސުޕްރީމް ކޯޓުގައި ތާވަލްކޮށްފިއެވެ.
ސިޔާސީ ޕާޓީގެ ޤާނޫނަށް ގެނައި ތިން ވަނަ އިޞްލާޙާ ގުޅޭ ގޮތުން ދައުލަތުގެ މައްޗަށް ރައްދުވާ ގޮތަށް ޢަބްދުﷲ ޖާބިރު ހުށަހަޅާފައިވާ ނަންބަރު ޤަޟިއްޔާގެ އަޑުއެހުން ތާވަލްކޮށްފައި ވަނީ ހޯމަ ދުވަހުގެ 9:45 ގައެވެ.
ސިޔާސީ ޕާޓީއެއްގެ ޕްރައިމަރީއަކުން ބަލިވެފައިވާ މެންބަރަކަށް އެހެން ހައިސިއްޔަތަކުން ވެސް އިންތިހާބެއްގައި ވާދަ ނުކުރެވޭ ގޮތަށް ސިޔާސީ ޕާޓީގެ ޤާނުނަށް ގެނައި އިސްލާހު އުވާލަން މަޖިލީހަށް ހުށަހަޅުއްވާފައި ވަނީ މިދިޔަ އަހަރުގެ ޑިސެމްބަރު މަހުގެ 12 ވަނަ ދުވަހު ދިއްދޫ ދާއިރާގެ މެންބަރު އަބްދުލް ލަތީފް މުހައްމަދުއެވެ.
