ހުކުރު 24 މެއި 2019
05 ރޯނު
1440 ރަމަޟާން 19
ފަތިސް 04:35
އިރުއަރާ 05:51
މެންދުރު 12:07
އަސްރު 15:28
މަޣްރިބް 18:15
އިޝާ 19:31
ކުޅިވަރު - އެފްއޭ ކަޕް

އެފްއޭ ކަޕް: ޗެލްސީ ބަލިކޮށް ޔުނައިޓެޑު ކުއާޓާއަށް

  • ޗެލްސީގެ މައްޗަށް ޔުނައިޓެޑު ކުރިހޯދީ 0-2 ގެ ނަތީޖާއަކުން

ލީވާން އަލީ
MrLeevaan

ކ. މާލެ 19 ފެބުރުއަރީ 2019 | އަންގާރަ 08:36 2,242

ޔުނައިޓެޑު ކުޅުންތެރިން އުފާފާޅުކުރަނީ - އޭއެފްޕީ

އެފްއޭ ކަޕްގައި ޗެލްސީ ބަލިކޮށް މެންޗެސްޓާ ޔުނައިޓެޑު ކުއާޓާ ފައިނަލުން ޖާގަ ހޯދައިފިއެވެ.

ހޯމަ ދުވަހުގެ ރޭ ކުޅުނު މެޗު ޗެލްސީއާ ވާދަކޮށް ޔުނައިޓެޑުން މެޗު ކާމިޔާބުކުރީ 0-2 ގެ ނަތީޖާއަކުންނެވެ.

ޗެލްސީ ދަނޑުގައި ކުޅުނު މި މެޗު ފެށިގެން އެޓީމުގެ ފަރާތުން ހަމަލާތަކެއް ފެނިގެންދިޔައެވެ. ނަމަވެސް ޔުނައިޓެޑުގެ ކީޕަރު ރޮމޭރޯ ވަނީ ޗެލްސީގެ ހަމަލާތައް ދިފާއު ކޮށްފައެވެ.

ޗެލްސީން ރަނގަޅަށް ކުޅެމުން ދިޔަ ނަމަވެސް ޔުނައިޓެޑުން ވަނީ 31 ވަނަ މިނެޓުގައި މެޗުގެ ލީޑު ނަގާފައެވެ. މި ލަނޑު ޕައުލް ޕޮގްބާގެ އެހީތެރިކަމާއެކު ކާމިޔާބުކުރީ އެންޑާ ހެރޭރާއެވެ.

ޔުނައިޓެޑުން ލީޑު ފުޅާ ކުރީ 45 ވަނަ މިނެޓުގައެވެ. މި ލަނޑު ކާމިޔާބުކުރީ މާކަސް ރަޝްފޯޑް ނަގައިދިން ހުރަހަކުން ޕޮގްބާއެވެ.

ފުރަތަމަ ހާފް ނިމުނީ 0-2 ގެ ނަތީޖާއިން ޗެލްސީގެ މައްޗަށް ޔުނައިޓެޑު ކުރީގައި އޮވެގެންނެވެ.

ދެވަނަ ހާފް ފެށިގެން ޗެލްސީން އެޓީމުގެ އެޓޭކްތައް ވަރުގަދަކުރިއެވެ. އެގޮތުން ފުލުފުލުގައި ގިނަ ހަމަލާތަކެއް އެޓީމުން ވަނީ ޔުނައިޓެޑުގެ ގޯލަށް ފޮނުވާލާފައެވެ.

ނަމަވެސް ޔުނައިޓެޑުން ވަނީ ދެވަނަ ހާފްގައި މޮޅު ޑިފެންސެއް ކުރުމުގެ އިތުރުން ލީޑު އިތުރަށް ފުޅާކުރުމަށް ވެސް ގިނަ ފުރުސަތުތަކެއް ތަނަވަސް ކޮށްފައެވެ.

ޔުނައިޓެޑުގެ އާ ކޯޗު ސޮލްޝާގެ އިރުޝާދުގެ ދަށުން ޔުނައިޓެޑު ރަށުން ބޭރުގައި މިހާތަނަށް ކުޅުނު 15 މެޗުވެސް އެޓީމުން ވަނީ ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް