ތަފާތު ޚަބަރު
ހޮލީވުޑް
އަމާލްއަށް ލިބެން އުޅެނީ ދެ ޖިންސުގެ ދެ ކުދިން!
އަމާލް ވިހާނީ ޖޫން މަހު
އަޒްލިފާ އަބްދުﷲ, ރާއްޖެ އެމްވީ | 18 ފެބުރުއަރީ 2017 | ހޮނިހިރު 12:08
ޖޯޖް ކުލޫނީ އާއި އަމަލް ކުލޫނީ
މަޝްހޫރު ފިލްމީ ތަރި ޖޯޖް ކޫލޫނީގެ އަނބިކަނބަލުން އަދި އިންސާނީ ހައްގުތަކަށް މަސައްކަތްކުރާ މަޝްހޫރު ވަކީލް އަމާލް ކްލޫނީއަށް އެއްމާބަނޑު ދެކުދިން ލިބެން އުޅޭ ޚަބަރު ވަނީ މީގެ ހަފްތާއެއް ކުރިން އާންމުވެފައެވެ.
އެކަމާ އުފަލުން ފޮޅިފައި ހުރި ޖޯޖުގެ މަންމަ ނިކް ކުލޫނީ ބުނެފައި ވަނީ އަމާލް އަށް ލިބެން އުޅެނީ އެއްމާބަނޑު ދެ ޖިންސުގެ ދެ ކުންދިން ކަމަށެވެ.
ޖޯޖުގެ މަންމަ ބުނެފައިވަނީ އެކުދިންނަށް ކިޔާނެ ނަމާ ބެހޭ ގޮތުން އޭނާ އެއްވެސް ވާހަކައެއް ދައްކަން ބޭނުން ނުވާ ކަމަށެވެ. އަދި އެވާހަކަ ދައްކާނީ ޖޯޖު އާއި އަމާލް ކަމަށް އޭނާ ވަނީ ބުނެފައެވެ.
އުމުރުން 39 އަހަރުގެ އަމާލް ވިހާނީ މިއަހަރުގެ ޖޫން މަހުގެ ތެރޭގައެވެ.
އަމާލް އާއި ޖޯޖް ކައިވެނިކޮށްފައި ވަނީ 2014 ވަނަ އަހަރު އިޓަލީގެ ވެނީސްގައެވެ.
