ބައި ކިލޯ އަށް ވުރެ ގިނަ ހެރޮއިން އަތުލައިގެންފި
ދެ ޕާރުސަލެއް ކަސްޓަމްސް އިން މިއަދު އަތުލައިގަތް
ކަސްޓަމްސްއިން އަތުލައިގަތް މަސްތުވާ ތަކެތި
ކޮރިއަރ މެދުވެރިކޮށް ރާއްޖެ ގެނެސްފައިވާ ދެ ޕާރުސަލެއް ބަލާ ފާސްކުރުމުގެ ތެރޭގައި 575 ގްރާމްގެ މަސްތުވާތަކެތި ކަސްޓަމްސް އިން އަތުލައިގެންފިއެވެ.
ކަސްޓަސް އިން ބުނީ އެ މަސްތުވާތަކެތި އަތުލައިގަތީ، 2019 ފެބްރުއަރީ 10 ވަނަ ދުވަހު ކޮރިއަރ މެދުވެރިކޮށް ރާއްޖެ ގެނެސްފައިވާ ޕާރުސަލެއް ބަލައި ފާސްކުރުމުގެ ތެރޭގައި އެޕާރުސަލު ތެރެއިން މަސްތުވާތަކެތި ކަމަށް ޝައްކުކުރެވޭ ތަކެތި ފެނުމުން ކަމަށެވެ. އަދި އެ ތަކެތި ތަހުލީލުކުރި އިރު މަސްތުވާތަކެތީގެ ބާވަތެއް ކަމަށްވާ ހެރޮއިންއަށް ޕޮޒިޓިވް ވެފައިވާއިރު، އަތުލައިގަނެވުނު މަސްތުވާތަކެތީގެ ބަރުދަނުގައި ޕެކިންގއާ އެކު ޖުމްލަ 287 ގްރާމް ހުއްޓެވެ.
މީގެ އިތުރުން މިއަދު ކޮރިއަރ މެދުވެރިކޮށް ރާއްޖެ ގެނެސްފައިވާ އެހެން ޕާރުސަލެއް ބަލައި ފާސްކުރުމުގެ ތެރޭގައި އެޕާރުސަލުގެ ތެރެއިން ވެސް މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވާ ކަމަށް ކަސްޓަމްސް އިން ބުނެއެވެ. އެ ތަކެތި ތަހުލީލުކުރިއިރު މަސްތުވާތަކެތީގެ ބާވަތެއް ކަމަށްވާ ހެރޮއިން އަށް ޕޮޒިޓިވް ވެފައިވާ އިރު، އަތުލައިގަނެވުނު މަސްތުވާތަކެތީގެ ބަރުދަނުގައި ޕެކިންގއާ އެކު ޖުމްލަ 288 ގްރާމް ހުރި ކަމަށް ކަސްޓަމްސް އިން މައުލޫމާތު ދެއެވެ.
މި ދެ މައްސައލައިގައި އަތުލައިގަނެވުނު މަސްތުވާތަކެތީގެ ބަރުދަނުގައި 575 ގްރާމް ހުރިއިރު، މި ދެ މައްސަލައިގައި ޝާމިލްވާ މީހުންނާއި އަތުލައިގަނެވުނު މަސްތުވާތަކެތި މިހާރު ވަނީ އިތުރަށް ތަޙްޤީޤްކުރުމަށްޓަކައި މޯލްޑިވްސް ޕޮލިސް ސަރވިސްއާ ޙަވާލުކުރެވިފައި ކަމަށް ކަސްޓަމްސް އިން ބުންޏެވެ.
