ވިޔަފާރި-އިގްތިސާދު
ދިރާގު ހިއްސާ ބެހުން
ދިރާގުން ހިއްސާއަކަށް 11.91ރ. ބަހަން ހުށަހަޅަނީ!
ފައިދާގެ ގޮތުގައި 905،160،000 ރުފިޔާ ލިބިފައިވޭ
ރިޒްނާ ޒަރީރު, ރާއްޖެ އެމްވީ | 10 ފެބުރުއަރީ 2019 | އާދީއްތަ 12:52
ދިރާގު ހެޑް އޮފީސް
ނިމިދިޔަ އަހަރުގެ ފައިދާ އިން ހިއްސާއަކަށް 11.91ރ. ބެހުމަށް ކުރިއަށް އޮތް އަހަރީ އާންމު ޖަލްސާގައި ފާސްކުރަން ހުށަހެޅުމަށް ދިރާގުން ނިންމައިފިއެވެ.
ދިރާގުގެ ޑިރެކްޓަރުންގެ ބޯޑުން ވަނީ 2018 ވަނަ އަހަރުގެ ޖުމްލަ ހިއްސާގެ ފައިދާގެ ގޮތުގައި 905،160،000 (ނުވަ ސަތޭކަ ފަސް މިލިއަން އެއް ލައްކަ ފަސްދޮޅަސް ހާސް) ރުފިޔާ ބަހަން ހުށަހަޅަން ނިންމާފައެވެ. އެއީ ކުންފުނީގެ ސާފު ފައިދާގެ %100 އެވެ.
ދިރާގުން ބުނީ 2018 ވަނަ އަހަރުގެ ފައިނަލް ޑިވިޑެންޑްގެ ގޮތުގައި އަހަރީ އާންމު ޖަލްސާގައި ހިއްސާދާރުން ކަނޑައަޅާ ފައިދާ ބަހާނީ ކުންފުނީގެ ކުރިއަށް އޮތް އަހަރީ އާންމު ޖަލްސާގައި އިއުލާނުކުރާ 'ބުކް ކްލޯޝަރ ޑޭޓް' ގައި ކުންފުނީގެ ރަޖިސްޓަރގައި ވާ ހިއްސާދާރުންގެ މެދުގައި ކަމަށެވެ.
