ދިވެހިރާއްޖޭގެ ގާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަ އަށް އެދި ހުށައެޅުމުގެ ފުރުސަތު ހުޅުވާލައިފިއެވެ.

ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން އިން އަންގާރަ ދުވަހު ކުރި އިއުލާނުގައިވާ ގޮތުން ވަކީލެއްގެ ހައިސިއްޔަތުން މަސައްކަތް ކުރުމުގެ ހުއްދަ ދިނުމުގެ ގަވާއިދުގެ ޖަދުވަލު އެކެއްގައިވާ "ގާނޫނީ ވަކީލުކަމުގެ ހުއްދައަށް އެދޭ ފޯމް" ފުރިހަމަ ކުރުމަށް ފަހު، ފޯމުގައި ބަޔާން ކޮށްފައިވާ ތަކެއްޗާ އެކު އެ ޑިޕާޓްމެންޓަށް ހުށައަޅަން ޖެހެއެވެ.

އެ ފޯމް ހުށައަޅަން ޖެހޭނީ ފެބްރީއަރީ 05 ވާ އަންގާރަ ދުވަހުގެ 14:00 ކުރިން ކަމަށް ޑީޖޭއޭ އިން ބުންޏެވެ. "ގާނޫނީ ވަކީލު ކަމުގެ ހުއްދަ އަށް އެދޭ ފޯމް'' އެ ޑިޕާޓްމެންޓުގެ  ވެބްސައިޓް އަދި ލޯޔާސް ވެބްސައިޓް އިން ލިބޭނެ ކަމަށް ޑީޖޭއޭގެ އިއުލާނުގައި ވެއެވެ.

ގާނޫނީ ވަކީލެއްގެ ހައިސިއްޔަތުން މަސައްކަތްކުރުމުގެ ހުއްދަ ދިނުމުގެ ގަވާއިދުގެ އެކެއްގެ (ށ) ވާގޮތުން ގާނޫނޫ ވަކީލުކަމުގެ ޕްރޮފެޝަނަކީ މުސްތަގިއްލުކަމާ އެކު، އަދާ ކުރާ ޕްރެފެޝަންއެކެވެ. އި ގާނޫނަށެވެ.  

ގާނޫނީ ވަކީލުންގެ ގޮތުގައި 943 ފަރާތެއް ދިވެހިރާއްޖޭގެ ސުޕްރީމް ކޯޓުގައި ވަނީ ރަޖިސްޓްރީކޮށްފައެވެ.