މާރާމާރީއާ ގުޅިގެން ދެ މީހަކު ހައްޔަރުކޮށްފި
16 ޖެނުއަރީ 2019 | ބުދަ 14:53ޒަހަމްވި ދެ ޒުވާނުންގެ ހާލު ރަނގަޅު
އަލީ ސަމާޚް | 16 ޖެނުއަރީ 2019 | ބުދަ 14:53
ހުޅުމާލޭގައި ހިނގި މާރާމާރީ ގައި ދެ ކުއްޖަކު ވަނީ ހައްޔަރުކޮށްފައި
ހުޅުމާލޭގައި މާރާމާރީއެއް ހިންގައި، ދެ މީހަކު ޒަހަމްކޮށްލި މައްސަލާގައި ދެ މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، ދެ މީހަކު ފުލުހުންގެ ބެލުމުގެ ދަށަށް ގެނެސް ސުވާލުކުރަމުންދާ ކަމަށެވެ. މައްސަލަ ތަހުގީގު ކުރަމުން ދާތީވެ އެކަމާ ބެހޭ އިތުރު ތަފްސީލެއް އޮފިޝަލް ވިދާޅެއް ނުވިއެވެ.
އެ މާރާމާރީގައި އުމުރުން 17 އަހަރުގެ ދެ ކުދިން ވަނީ ޒަހަމްވެފައެވެ. އެ ދެ ކުދިންނަށް ވެސް ހުޅުމާލޭ ހޮސްޕިޓަލުގައި ފަރުވާދެމުންދާ ކަމަށާއި ދެ މީހުންގެ ހާލު ވެސް ރަނގަޅު ކަމަށް ހުޅުމާލޭ ހޮސްޕިޓަލްގެ މީޑިއާ އޮފިޝަލް ވިދާޅުވިއެވެ.
