ކ. މާލެ
|
10 ޖެނުއަރީ 2019 | ބުރާސްފަތި 18:34
އިންޓައަށް ކުޅެމުން އަންނަ އިވާން ޕެރިސިޗް
އިންޓައަށް ކުޅެމުން އަންނަ އިވާން ޕެރިސިޗް
ގެޓީ އިމޭޖަސް
އިވާން ޕެރިސިޗް
ޕެރިސިޗް ހޯދުމަށް ޔުނައިޓެޑުން މަސައްކަތް ކުރަނީ
 
ޕެރިސިޗްގެ އެއްބަސްވުން ހަމަވާނީ 2022 ވަނަ އަހަރު

އިންޓަ މިލާނަށް ކުޅެމުން އަންނަ ކްރޮއޭޝިއާގެ ވިންގާ އިވާން ޕެރިސިޗް ހޯދުމަށް މެންޗެސްޓާ ޔުނައިޓެޑުން މަސައްކަތް ކުރަމުން އަންނަ ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާގޮތުން ޖެނުއަރީ ޓްރާންސްފާ ނިމުމުގެ ކުރިން ޕެރިސިޗް ގެނައުމަށް ޔުނައިޓެޑުން އަންނަނީ މަސައްކަތް ކުރަމުންނެވެ. އެގޮތުން އެކަމަށް ކުރަންޖެހޭ އެންމެ ފަހުގެ ކަންތައް ޔުނައިޓެޑުން އަންނަނީ ކުރަމުންނެވެ.

އުމުރުން 29 އަހަރުގެ ޕެރިސިޗް ވިއްކާލުމަށް ފުރަތަމަ އިންޓައިން ކަނޑައަޅާފައިވަނީ 50 މިލިއަން ޕައުންޑު ކަމަށް ވިޔަސް، މިހާރު އެ އަގު 30 މިލިއަން ޕައުންޑަށް ކުޑަކޮށްފައިވާ ކަމަށް މިރާއާ ހަވާލާދީ ޓުޓޯ ސްޕޯޓްއިން ވަނީ ބުނެފައެވެ.

ޕެރިސިޗް ވަނީ 2017 ވަނަ އަހަރު އިންޓައާއެކު އޭނާ ހަދާފައިވާ އެއްބަސްވުން ފަސް އަހަރަށް އިތުރުކޮށްފައެވެ. އެގޮތުން އޭނާ އެ ކްލަބާއެކު ހަދާފައިވާ އެއްބަސްވުން ހަމަވާނީ 2022 ވަނަ އަހަރެވެ.

ބްރޫޝިއާ ޑޯޓްމަންޑް އާއި ވުލްފްސްބާގަށްވެސް ކުޅެފައިވާ ޕެރިސިޗް އިންޓައަށް ބަދަލުވީ 2015 ވަނަ އަހަރުގެ ސީޒަނުގައެވެ. އޭނާ ވަނީ މިހާތަނަށް އެޓީމަށް ކުޅުނު 140 މެޗުގައި 34 ލަނޑު ކާމިޔާބުކޮށްފައެވެ.

ޑޯޓްމަންޑާއެކު ބުންޑަސް ލީގާ އަދި ޖަރުމަން ކަޕް ކާމިޔާބުކޮށްފައިވާ ޕެރިސިޗް ވަނީ ވުލްސްބާގާއެކު ޖަރުމަން ކަޕް އަދި ޖަރުމަން ސުޕާ ކަޕް ކާމިޔާބުކޮށްފައެވެ.

ކްރޮއޭޝިއާ ގައުމީ ޓީމާއެކު މިދިޔަ އަހަރު ރަޝިއާގައި ބޭއްވި ވޯލްޑް ކަޕްގެ ދެވަނަ ހޯދާފައިވާ ޕެރިސިޗް ވަނީ ގައުމީ ޓީމަށް ކުޅުނު 74 މެޗުގައި 22 ލަނޑު ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް