ދެ މިނިސްޓްރީއަކަށް ޕަރމަނަންޓް ސެކްރެޓަރީން ހަމަޖައްސާފައި ވަނީ އަންގާރަ ދުވަހު ސިވިލް ސާވީސް ކޮމިޝަންގައި ބޭއްވި ރަސްމިއްޔާތެއްގައެވެ.

ޕާމަނެންޓް ސެކެރެޓަރީން ހަމަޖައްސާފައި ވަނީ މިނިސްޓްރި އޮފް ފިޝަރީޒް، އެގްރިކަލްޗަރ އެންޑް މެރިން ރިސޯސަސް އަށާއި މިނިސްޓްރީ އޮފް ކޮމިއުނިކޭޝަން، ޝައިންސް އެންޑް ޓެކްނޮލޮޖީ އަށެވެ.  

އެގޮތުން މިނިސްޓްރީ އޮފް ފިޝަރީޒް، އެގްރިކަލްޗަރ އެންޑް މެރިންރިސޯސަސްގެ ޕަރމަނަންޓް ސެކްރެޓަރީ ކަމުގެ މަޤާމަށް އައްޔަންކުރައްވާފައި ވަނީ މ. ޕާރކްލޭން ޑރ. އާމިނަތު ޝާފިޢާއެވެ.

މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮކޮޖީގެ ޕާރމަނަންޓް ސެކްރެޓަރީއަކަށް އައްޔަނު ކުރެވުނީ ހ. ޔެލޯރޯޒް މުޙައްމަދު ޝަރީފްއެވެ.

މި ދެ ބޭފުޅުންގެ ތެރެއިން ޑރ. އާމިނަތު ޝަފިއާ ވަނީ 28 އަހަރަށް ވުރެ ގިނަ ދުވަސް ސަރުކާރަތް ހިދުމަތް ކޮށްފައެވެ. ފިޝަރީޒް މިނިސްޓްރީގައި ގިނަ ދުވަސްތަކެއް ވަންދެން މަސައްކަތް ކޮށްފައިވާ ޑރ. ޝާފިއާއަކީ ޕްލާންޓް ސައިންސްގެ ދާއިރާއިން ޑޮކްޓަރ އޮފް ފިލޯސަފީގެ ޑިގްރީ ހާސިލް ކުރައްވަވާފައިވާ ބޭފުޅެކެވެ. ޝާފިޢާ ވަނީ އެގްރިކަލްޗަރުގެ ދާއިރާއިން ވެސް މާސްޓަރ އާއި ބެޗެލަރ ޑިގްރީ ހާޞިލް ކުރައްވާފައެވެ.  

މަލީހް ޖަމާލްގެ ދަށުން ހިންގަމުންދާ ކޮމިއުނިކޭޝަން މިނިސްޓްރީގެ ސެކެރެޓަރީ އަށް އައްޔަން ކުރައްވާފައިވާ މުހައްމަދު ޝަރީފު ވަނީ އެ ދާއިރާ އަށް ގިނަ ދުވަސް ތަކެއް ވަންދެން ހިދުމަތްކޮށްފައެވެ. އޭނާ ވަނީ އިލެކްޓްރޯނިކް އެންޑް އިލެކްޓްރިކަލް އިންޖީނިއަރިންގ ވިތް މެނޭޖްމަންޓް ދާއިރާއިން މާސްޓާސް ހައްދަވާފައެވެ. މީގެ އިތުރުން ޝަރީފު ވަނީ ސައިރިކްސް ކޮލެޖްގައި ވައިސް ރެކްޓަރގެ ގޮތުގައި ވެސް މަސައްކަތް ކުރައްވަފައެވެ