އެޗްއާރުސީއެމްގެ ބަޔާނާ މެެދު ކަންބޮޑުވަން: ހޯމް މިނިސްޓްރީ
އެޗްއާރުސީއެމްގެ ބަޔާނުގައި ކަންބޮޑުވާ ކަންތައްތަކެއް ހުރުމުން އިތުރަށް ބަލަމުންދާކަމަށް ހޯމް މިނިސްޓްރީން ބުނޭ
ކުރީގެ ނައިބް ރައީސް އަހުމަދު އަދީބް، ހޮސްޕިޓަލުގައި އެޑްމިޓްކޮށްފައި
ކުރީގެ ނައިބު ރައީސް އަހްމަދު އަދީބު ޖަލަށް ބަދަލުކުރި މައްސަލައާ ގުޅޭގޮތުން ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އިން ނެރުނު ބަޔާނުގައި ކަންބޮޑުވާ ކަންތައްތަކެއް އެބަހުރި ކަމަށް ހޯމް މިނިސްޓްރީން ބުނެފިއެވެ.
އެޗްއާރުސީއެމުން އަންގާރަ ދުވަހު ނެރުނު ބަޔާނުގައި ވަނީ އަދީބު ޖަލަށް ބަދަލުކުރީ ޑޮކްޓަރު ދީފައިވާ ލަފައާ ޚިލާފަށް ކަމަށެވެ. "ހޯމްލީ އެންވަޔަރްމެންޓެއްގައި" އަދީބު ދެ މަސް ވަންދެން ބަހައްޓަން ޑޮކްޓަރު ލަފާ ދިނަސް، ކަރެކްޝަންސްއިން އެ ލަފައަށް އަމަލު ނުކުރާ ކަމަށް އެޗްއާރުސީއެމްގެ ބަޔާނުގައި ވެއެވެ.
އެކަމާ ގުޅިގެން ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު ވިދާޅުވީ އެޗްއާރުސީއެމްގައި ބަޔާނުގައި އެ މިނިސްޓްރީން ކަންބޮޑުވާ ކަންތައްތަކެއް އެބަހުރި ކަމަށާއި އެކަންކަން ބެލުމަށްފަހު އިތުރު ތަފްސީލް ފަހުން ހާމަކުރައްވާނެކަމަށެވެ.
ޑޮކްޓަރުގެ ލަފަޔާއެކު މިދިޔަ އަހަރުގެ ނޮވެމްބަރު 27 ގައި އަދީބު ގޭ ބަންދަށް ބަދަލުކުރުމަށް ފަހު އަލުން އަނބުރާ ޖަލަށް ގެންގޮސްފައިވަނީ މި މަހުގެ ދެ ވަނަ ދުވަހުއެވެ. އޭގެ ފަހުން މިދިޔަ ހޮނިހިރު ދުވަހު އަދީބުގެ ހާލު ދެރަވެގެން ވަނީ އައިޖީއެމްއެޗްއަށް ގެނެސް އެޑްމިޓްކޮށް ފަރުވާ ދޭން ފަށާފައެެވެ.
