އަދީބުގެ ކުރީގެ ދެ ބޮޑީގާޑުން ގޭ ބަންދަށް ބަދަލުކޮށްފި
8 ޖެނުއަރީ 2019 | އަންގާރަ 13:51ދެ މީހުން ގޭ ބަންދަށް ބަދަލުކުރީ ވަގުތީ ގޮތުން
އަހުމަދު އާމިރާއި، އަހްމަދު ރިކާޒް އަންގާރަ ދުވަހު ގޭ ބަންދަށް ބަދަލުކުރުން
ކުރީގެ ނައިބު ރައީސް އަހުމަދު އަދީބުގެ ކުރީގެ ދެ ބޮޑީގާޑުން ކަމަށްވާ އަހުމަދު އާމިރާއި، އަހްމަދު ރިކާޒް އަންގާރަ ދުވަހު ވަގުތީ ގޮތުން ގޭ ބަންދަށް ބަދަލުކޮށްފިއެވެ.
އަދީބުގެ ދެ ބޮޑީގާޑުންނަށް ޓެރަރިޒަމްގެ ދައުވާ އުފުލީ، ރިޔާސީ ލޯންޗުކޮޅުގައި އަދީބާ އެކު އާރަށަށް ގޮސް، އެ ލޯންޗުކޮޅުގައި އައިއީޑީއެއް ހަރުކުރުމުގައި ބައިވެރިވި ކަމަށް ތުހުމަތު ކޮށެވެ. އެ ދައުވާ ސާބިތުވާ ކަމަށް ނިންމާ އެ ދެ މީހުންނަށް ވެސް ވަނީ 10 އަހަރު ދުވަހުގެ ޖަލު ހުކުމެއް އިއްވާފައެވެ.
ކަރެކްޝަންސްގެ މީޑިއާ އޮފިޝަލް ފޯނު ނުނަގާތީ އެ ދެ މީހުން ދޫކޮށްލުމާ ގުޅޭ ގޮތުން ކަރެކްޝަންސްގެ ބަހެއް އަދި ނުލިބެއެވެ.
އެނގިފައިވާ ގޮތުގައި ދެ މީހުން ވެސް ގޭ ބަންދަށް ބަދަލު ކޮށްފައި ވަނީ ހޯމް މިނިސްޓަރަށް ލިބި ވަޑައިގަންނަވާ ބާރުގެ ދަށުން ވަގުތީ ގޮތުންނެވެ. ކަރެކްޝަންސް އިން ފޯނު ނުނަންގަވާތީ ކަރެކްޝަންސްގެ ބަހެެއް އެކަމުގައި ވަނީ ލިބޭ ގޮތް ނުވެފައެވެ.
