އަންގާރަ 25 ޖޫން 2019
09 އަދަ
1440 ޝައްވާލް 21
ފަތިސް 04:37
އިރުއަރާ 05:56
މެންދުރު 12:12
އަސްރު 15:36
މަޣްރިބް 18:21
އިޝާ 19:40
ވިޔަފާރި - ވޯލްޑް ބޭންކު

ވޯލްޑް ބޭންކްގެ ރައީސް އިސްތިއުފާ ދެއްވައިފި

  • ދައުރު ހަމަވާނީ 2022 ވަނަ އަހަރު

އަލީ ސަމާޚް
AliSamah8

ކ. މާލެ 8 ޖެނުއަރީ 2019 | އަންގާރަ 12:05 2,804

ވޯލްޑް ބޭންކުގެ ރައީސް ޖިމް ޔޮންގް ކިމް - ފޭސްބުކް

ދުނިޔޭގެ އެންމެ ބޮޑު މާލި އިދާރާ ކަމަށްވާ ވޯލްޑް ބޭންކުގެ ރައީސް ޖިމް ޔޮންގް ކިމް އިސްތިއުފާ ދެއްވައިފިއެވެ.

އުތުރު ކޮރެޔާއަށް ނިސްބަށްވާ ކިމް އެ މަގާމުން އިސްތިއުފާ ދެއްވި ކަން އިއުލާން ކޮށްފައިވަނީ ހޯމަ ދުވަހުގެ ވަގުތެއްގައި ކަމަށް އެ ބޭންކާއި ހަވަލާދީ ކަމަށް ރިޕޯޓްތައް ބުނެއެވެ.

އިސްތިއުފާ ދެއްވިޔަސް ރައީސްގެ މަގާމުގައި ފެބްރުއަރީ މަހުގެ އެއްވަނަ ދުވަހާ ހަމަޔަށް އޭނާ ހުންނަވާނެ ކަމަށް ރިޕޯޓްތައް ބުނެއެވެ. އުމުރުން 59 އަހަރުގެ ކިމް އިސްތިއުފާ ދެއްވާފައިވާއިރު އޭނާގެ ދައުރު ހަމަވާނީ 2022 ވަނަ އަހަރުއެވެ.

ވޯލްޑް ބޭންކަށް ރައީސަކު އައްޔަން ކުރަނީ ނޮމިނޭޓްވާ މީހުންގެ ތެރެއިން ޑިރެކްޓަރ ބޯޑުން ހަމަޖައްސާ މީހެކެވެ.  

ވޯލްޑް ބޭންކްގެ 12 ވަނަ ރައީސް ކަމާއި ހަވާލުވެވަޑައިގަތުމުގެ ކުރިން ކިމް ވަނީ ދުނިޔޭގެ ސިއްހީ ޖަމްއިއްޔާ (ޑަބްލިޔޫއެޗްއޯ)ގެ އެޑްވައިޒަރުގެ އިތުރުން އެމެރިކާގެ ޑާޓަމެތް ކޮލެޖްގެ ރައީސްގެ މަގާމު ވެސް ފުރުއްވާފައެވެ.  

ކިމްއަށް ފަހު އެ މަގާމާއި ހަވާލުވެ ވަޑައިގަންނަވާނީ ކުންފުނީގެ ޗީފް އެކްޒެކްޓިވް އޮފިސަރު (ސީއީއޯ) ކްރިސްޓަލީނާ ޖިއޯޖިއޭވާ ކަމަށް ރިޕޯޓްތައް ބުނެއެވެ.

އެމެރިކާގެ މަޝްހޫރު ފޯބްސް މަޖައްލާއިން 2013 ވަނަ އަހަރު ނެގި ދުނިޔޭގެ އެންމެ ނުފޫޒު ގަދަ 50 މީހުންގެ ތޭރޭގައި ވެސް ކިމް ވަނީ ހިމެނިފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް