އުމުރުން 10 އަހަރުގެ ކުއްޖަކު ގޯ ގޭމްސްގެ ޕްރޮފެޝަނަލް ރޭންކުގައި ހިމެނިއްޖެ
7 ޖެނުއަރީ 2019 | ހޯމަ 13:38ނަމުރާ ގޯ ގެމްސް އެންމެ ފުރަތަމަ ކުޅެން ފަށާފައި ވަނީ އުމުރުން ތިން އަހަރުގައި
ސުމިރޭ ނަކަމޫރާ ގޯ ގޭމްސް ކުޅެނީ
ޖަޕާނުގެ ސްކޫލެއްގައި ކިޔަވަމުންދާ އުމުރުން 10 އަހަރުގެ ސުމިރޭ ނަކަމޫރާ އަންނަ އޭޕްރީލް މަހު އެ ގައުމުގައި ބާއްވާ ގޯ ގޭމްސްގެ ޕްރޮފެޝަނަލް ރޭންކުގައި ހިމެނިއްޖެއެވެ.
ނަކަމޫރާ މި ކުޅިވަރު އެންމެ ފުރަތަމަ ކުޅެން ފަށާފައި ވަނީ އޭނާގެ އުމުރުން އެންމެ ތިން އަހަރުގައެވެ. އޭނާ ވަނީ އުމުރުން 7 އަހަރުގައި ޖަޕާނުގެ ގައުމީ މުބާރާތްތަކުގައި ބައިވެރިވާން ފަށާފައެވެ.
މިކަމާ ގުޅޭ ގޮތުން ހުސްވި ހަފްތާގެ ހޮނިހިރު ދުވަހު ޖަޕާނުގައި ބޭއްވި ނޫސްވެރިންގެ ބައްދަލުވުމުގައި ނަކަމޫރާ ބުނެފައި ވަނީ މި ކުޅިވަރަށް މޮޅުވުމުން އުފާވާ ކަމަށާއި ބޭނުން ވަނީ ޅަ އުމުރުގައި ސްކޫލްގައި ބާއްވާ ގޯ ގޭމްސްތަކުން މޮޅުވާން ކަމަށެވެ.
މީގެ އިތުރުން ނަކަމޫރާ ވަނީ ޖަޕާނުގެ ގޯ އެސޯސިއޭޝަނުން ބައިނަލް އަގުވާމީ މުބާރާތަކައް ކުޑަކުދިން ތަމްރީން ކުރުމުގެ ގޮތުން ހިންގާ ޕްރޮގްރަމްތަކައް އެހީތެރިކަން ފޯރުކޮށްދޭން ފަށާފައެވެ.
ސުމިރޭ ނަކަމޫރާގެ ބައްޕަ ވަނީ 1998 ވަނަ އަހަރު ޖަޕާނުގައި އޮތް ގޯގެ ގައުމީ މުބާރާތް ވެސް ކާމީޔާބު ކޮށްފައެވެ.
ގޯ ގޭމަކީ މީގެ އެތަށް އަހަރެއްގެ ކުރިން ޗައިނާ އާއި އީސްޓް އޭޝިޔާގެ ގައުމުތަކުގައި މަޝްހޫރު ގޭމެކެވެ. މި ކުޅިވަރާއި ރާޒުވާގެ ތަފާތަކީ މި ކުޅިވަރުގައި 200 މޫވްސް ނެގޭ ކަމެވެ.
