ކ. މާލެ
|
28 ޑިސެންބަރ 2018 | ހުކުރު 07:21
މަޓާޓޯ ޓްރެވަލް އެވޯޑްސް 2018ގެ ހަފުލާ ތެރެއިން
މަޓާޓޯ ޓްރެވަލް އެވޯޑްސް 2018ގެ ހަފުލާ ތެރެއިން
ޓްވިޓަރ/އޫރިދޫމޯލްޑިވްސް
މަޓާޓޯ ޓްރެވަލް އެވޯޑްސް
މަޓާޓޯ މޯލްޑިވްސް ޓްރެވަލް އެވޯޑްސް 2018 ގާލާ އެޑިޝަން ބާއްވައިފި
 
މި ހަފްލާގަައި ގާލާ އެވޯޑްސްގެ އިތުރުން ވަނީ ޕީޕަލްސް އެޑިޝަންގެ އެވޯޑުތައް ވެސް ދީފައި
 
ތަފާތު 30 ކެޓެގަރީއަކުން ރާއްޖޭގެ އެއްވަނަ ހޮވާފައިވޭ

މޯލްޑިވްސް އެސޯސިއޭޝަން އޮފް ޓްރެވަލް އޭޖެންސީސް އެންޑް ޓުއާ އޮޕަރޭޓަރސް (މަޓާޓޯ) އިން އިންތިޒާމު ކޮށްގެން ބާއްވާ މޯލްޑިވްސް ޓްރެވަލް އެވޯޑްސް 2018ގެ ގާލާ އެޑިޝަން ބާއްވައިފިއެވެ.

ބުރާސްފަތި ދުވަހުގެ ރޭ ޕެރެޑައިސް އައިލެންޑް ރިސޯޓުގައި ބޭއްވީ ހަފްލާގައި ރާއްޖޭގެ ފަތުރުވެރިކަމުގެ ދާއިރާގައި މަސައްކަތް ކުރާ ގިނަ ފަރާތްތަކަކުން ބައިވެރިވިއެވެ. މި ހަފްލާ ޝަރަފުވެރި ކޮށްދެއްވީ ޓޫރިޒަމް މިނިސްޓަރު އަލީ ވަހީދުއެވެ. ދައުލަތުގެ ބައެއް ވަޒީރުންނާއި ރާއްޖޭގެ ބައެއް ކުންފުނިތަކުގެ އިސްވެރިން މި ހަފުލާގައި ބައިވެރިވެ ވަޑައިގެންނެވިއެވެ

މި ހަފުލާގައި މަޓާޓޯގެ ރައީސް އަބްދުﷲ ސުއޫދު ވިދާޅުވީ މި އަހަރު މަޓާޓޯއިން ބޭއްވި މޯލްޑިވްސް ޓްރެވަލް އެވޯޑްސްގެ ތިން އެޑިޝަނަށް ވެސް ބޮޑު ތަރުހީބެއް ލިބިގެން ދިޔަކަމަށެވެ. އެގޮތުން 300 ނޮމިނޭޝަންއަށް ބައި މިލިއަނަށް ވުރެ ގިނަ ވޯޓު ލިބިފައިވާ ކަމަށް ސުއޫދު ވިދާޅުވިއެވެ.

މި ފަހަރުގެ ޓްރެވަލް އެވޯޑްސްގައި ރާއްޖޭގެ ލީޑިން ލަކްޒަރީ އެވޯޑު ލިބުނީ ޝެވަލް ބްލޮންކް ރަންދެލިއަށެވެ. ލީޑީން ބީޗް ރިސޯޓުގެ މަގާމު ލިބުނީ ކޮކޫން މޯލްޑިވްސްއަށެވެ. އަދި ލީޑިންގް ޕްރައިވެޓް އައިލެންޑް ލިބުނީ ނަލަދޫ ޕްރައިވެޓް އައިލެންޑަށެވެ. އިތުރު 27 ކެޓެގަރީއަކުން އެއްވަނައަށް އައި ފަރާތްތަކަށް ވަނީ މި ހަފުލާގައި އެވޯޑް ދީފައެވެ.

މިފަހަރުގެ އެވޯޑުގައި، ރާއްޖޭގެ ފަތުރުވެރިކަމުގެ ދާއިރާގައި މަސައްކަތް ކުރާ ހަތަރު ފަރާތަކަށް ވަނީ އެ މީހުންގެ މަސައްކަތުގެ އަގު ވަޒަން ކުރުމުގެ ގޮތުން ޕީޕަލްސް އެޑިޝަން އެވޯޑު ދީފައެވެ. މި އެވޯޑު ލިބިވަޑައިގެންނެވީ އަލީ އަހުމަދު  (ވިސްތާ އަލީ)، އިސްމާއިލް ހަމީދު (ހައިރައިޒް އިއްސެ)، ހުސައިން ވަހީދުގެ އިތުރުން މާކް ހެއިރްއަށެވެ.

މަޓާޓޯ މޯލްޑިވްސް ޓްރެވަލް އެވޯޑްސްގެ ގާލާ އެޑިޝަނަކީ ހޮޓެލްތަކާއި ރިސޯޓުތަކާއި ޓްރެވަލް މަރުކާތަކުގެ އިތުރުން އެއާލައިނުތަކާއި ލިވްއަބޯޑުތަކަށް ހާއްސަ އެޑިޝަނެވެ. މިއަހަރަކީ މަޓާޓޯ މޯލްޑިވްސް ޓްރެވަލް އެވޯޑްސް ބޭއްވި ހަތްވަނަ އަހަރެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް