ރެއާލް މެޑްރިޑުން ލިޔޯންއަށް ކުޅެމުން އަންނަ ނަބިލް ފެކިރް ހޯދުމަށް މަސައްކަތް ކުރަމުން އަންނަ ކަމަށް ރިޕޯޓްތައް ބުނެފިއެވެ.

މާސާ އިން ބުނީ ކުރިޔަށް އޮތް ޖެނުއަރީ ޓްރާންސްފާއަށް އަމާޒުކޮށް ފެކިރް ހޯދުމަށް ގިނަ ކްލަބްތަކުން މަސައްކަތް ކުރަމުން އަންނަ ކަމަށާއި، އެ ކްލަބްތަކުގެ ތެރޭގައި ރެއާލްވެސް ހިމެނޭ ކަމަށެވެ.

އެގޮތުން ކުރިޔަށް އޮތް ޖެނުއަރީ ޓްރާންސްފާގައި ފެކިރް ރެއާލްއަށް ބަދަލުވުމަކީ ވަރަށް ކައިރިކަމެއް ކަމަށްވެސް އެ ނޫހުން ބުނެއެވެ.

ލިޔޯންގެ ޔޫތު ސިސްޓަމުން ތަމްރީންވި ފެކިރް ވަނީ އެ ޓީމަށް 170 މެޗު ކުޅެދީ 64 ލަނޑު ޖަހައިދީފައެވެ. އޭނާ ލިޔޯންއަށް އެންމެ ފުރަތަމަ މެޗެއް ކުޅެދިނީ 2013 ވަނަ އަހަރުއެވެ. ލިޔޯންގެ ކެޕްޓަން ކަންވެސް ކުރަމުން އަންނަ ފެކިރް އަންނަނީ އެ ކްލަބުގައި މޮޅު ކުޅުމެއް ދައްކަމުންނެވެ.

ފްރާންސް ގައުމީ ޓީމަށް ކުޅުނު 20 މެޗުގައި ދެ ލަނޑު ކާމިޔާބުކޮށްފައިވާ ފެކިރް ވަނީ އެޓީމާއެކު 2018 ވަނަ އަހަރު ފީފާ ވޯލްޑް ކަޕްވެސް ކާމިޔާބުކޮށްފައެވެ.