ކަރިޝްމާގެ ކުރީގެ ފިރިމީހާ އަށް ދަރިއަކު ލިބިއްޖެ
23 ޑިސެމްބަރު 2018 | އާދީއްތަ 04:00ޕްރިޔާ ވިހާފައިވަނީ މީގެ ހަފްތާއެއް ކުރިން
ސަންޖޭ ކަޕޫރާއި ޕްރިޔާ ސްޗްދޭވް
ކަރިޝްމާގެ ކުރީގެ ފިރިމީހާ ސަންޖޭ ކަޕޫރާއި އޭނާގެ އަންހެނުން ޕްރިޔާ ސްޗްދޭވް އަށް ފިރިހެން ދަރިފުޅަކު ލިބިއްޖެ އެވެ.
ޚަބަރުތައް ބުނާ ގޮތުން ޕްރިޔާ ވިހާފައިވަނީ މީގެ ހަފްތާއެއް ކުރިންނެވެ.
އެ ދަރިފުޅަށް އެ ދެމީހުން ދީފައިވާ ނަމަކީ އަޒާރިއާސް ކަޕޫރު އެވެ.
ވިޔަފާރިވެރިޔާ ސަންޖޭ އާއި މޮޑެލްއެއް ކަމަށްވާ ޕްރިޔާ 2013 ވަނަ އަހަރުން ފެށިގެން ރައްޓެހިވެގެން އުޅުމަށް ފަހު ކައިވެނި ކޮށްފައިވަނީ 2017 ވަނަ އަހަރު ނިއު ދިއްލީގައެވެ.
އެ ދެމަފިރިންގެ ކައިވެނީގެ ހަފްލާ ބާއްވާފައިވަނީ ނިއު ޔޯކް ގައެވެ.
ސަންޖޭ އާއި ކަރިޝްމާ ކައިވެނި ކޮށްފައިވަނީ 2003 ވަނަ އަހަރުއެވެ. އަދި އެދެމީހުންގެ ކައިވެނި ރޫޅިފައިވަނީ 2016 ވަނަ އަހަރުގެ ޖޫން މަހުއެވެ. ކަރިޝްމާ އާއި ސަންޖޭ އަށް ވަނީ އަންހެން ދަރިފުޅަކާއި ފިރިހެން ދަރިފުޅަކު ލިބިފައެވެ.
