އދ.ގެ އެސިސްޓަންޓް ސެކްރެޓަރީ ޖެނެރަލް ކުރީގެ ރައީސް ޔާމީނާއި ބައްދަލުކުރައްވައިފި
13 ޑިސެމްބަރު 2018 | ބުރާސްފަތި 04:21އެބައްދަލުވުމުގައި ރާއްޖޭގެ މިހާރުގެ ސިޔާސީ މަޝްރަހާއި ގުޅޭގޮތުން ދެބޭފުޅުން ވަނީ މަޝްވަރާ ކުރައްވާފަ
އދ.ގެ އެސިސްޓަންޓް ސެކްރެޓަރީ ޖެނެރަލް ކުރީގެ ރައީސް ޔާމީނާއި ބައްދަލުކުރެއްވުން
އދ.ގެ އެސިސްޓަންޓް ސެކްރެޓަރީ ޖެނެރަލް މިރޮސްލާވް ޖަންކާއާއި ކުރީގެ ރައީސް ޔާމީން އަބުދުލް ގައްޔޫމާއި ބައްދަލުކުރައްވައިފިއެވެ.
ބުދަ ދުވަހު މެންދުރުފަހު ޕީޕީއެމްގެ އޮފީހުގައި ބޭއްވި އެބައްދަލުވުމުގައި ރާއްޖޭގެ މިހާރުގެ ސިޔާސީ މަޝްރަހާއި ގުޅޭގޮތުން ދެބޭފުޅުން ވަނީ މަޝްވަރާ ކުރައްވާފައެވެ.
އެ ބައްދަލުވުމުގައި އދ. ގެ އިތުރު ބޭފުޅުންނާއި ޕީޕީއެމްގެ ބައެއް އިސް ފަރާތްތައް ވެސް ބައިވެރިވެވަޑައިގެެންނެވިއެވެ.
އދ.ގެ އެސިސްޓަންޓް ސެކްރެޓަރީ ޖެނެރަލް މިރޮސްލާވް ޖަންކާ ވަނީ ރާއްޖޭގެ ފޮރިން މިނިސްޓަރު އަބުދުﷲ ޝާހިދާއިވެސް ބުދަ ދުވަހު ބައްދަލުކުރައްވާފައެެވެ. އެ ދެބޭފުޅުން މަޝްވަރާކުރެއްވީ ރާއްޖެއާއި އދ. ގުޅިގެން މަސައްކަތްކުރެވޭނެ ދާއިރާތަކާއި ބެހޭ ގޮތުންނެވެ. އަދި މީގެ އިތުރުން އިންސާނީ ހައްޤުތަކާއި، ދެމެހެއްޓެނިވި ތަަރައްޤީގެ އިތުރުން މޫސުމަށް އަންނަމުންދާ ބަދަލުތަކާއި ބެހޭ ގޮތުން އދ.އިން ހުރިހާ ގޮތަކުންވެސް ރާއްޖެއަށް އެހީވަމުންދާނެކަމަށް އެސިސްޓަންޓް ސެކްރެޓަރީ ޖެނެރަލް މިރޮސްލާވް ޖަންކާ ވަނީ ވިދާޅުވެފައެވެ.
