ދިރާގުގެ ޗެއާމަނަކަށް އެކުންފުނީގެ ކުރީގެ ސީއީއޯ އިސްމާއިލް ވަހީދު ހަމަޖައްސައިފި

ދިރާގުގެ ކުރީގެ ސީއީއޯ އިސްމާއިލް ވަހީދު އެކުންފުނީގެ ޗެއަރމަން ކަމަށް ހަމަޖައްސަވައިފިއެވެ.

ޕްރައިވެޓައިޒޭޝަން ބޯޑުގެ ރައީސް، މުހައްމަދު ނިޒާރު ބުރާސްފަތި ދުވަހު ކުރެއްވި ޓުވީޓެއްގައި ވިދާޅުވީ ދިރާގުގެ ޗެއާމަނަކަށް ހ. ފަހިވައި އިސްމާއިލް ރަޝީދު ހަމަޖައްސަވާފައިވާ ކަމަށެވެ.

އިސްމާއިލް ވަހީދު އެކުންފުނީގެ ޗެއަރމަނަކަަށް ހަމަޖައްސާފައިވަނީ އެމަގާމުގައި ކުރިން ހުންނެވި މުހައްމަދު އަޝްމަލީ، މަޤާމުން ވަކިކުރުމަށްފަހުއެވެ. އޭނާ އެމަޤާމުން ވަކިކުރީ މިމަހުގެ 22 ވަނަ ދުވަހުއެވެ.

އިސްމާއީލް ވަހީދު ދިރާގުގެ ސީއީއޯގެ މަގާމު އަދާކުރައްވާފައިވާއިރު އެމަގާމުން އިސްތިއުފާ ދެއްވީ 2015 ވަނަ އަހަރުގެ ސެޕްޓެމްބަރު މަހުގެ ތެރޭގައެވެ.