އެންޑީއެފް އާއި އިންޑިއާ އަދި ސްރީލަންކާގެ ކޯސްޓް ގާރޑް ގުޅިގެން ކުރިއަށް ގެންދާ ދޯސްތީ 14 ގެ ކަނޑުމަތީގައި ކުރިއަށްދާ އަމަލީ ފަރިތަކުރުންތަށް ބައްލަވާ ލެއްވުމަށް އެފަރިތަކުރުންތައް ކުރިއަށްދާ ސަރަހައްދައް ޑިފެންސް މިނިސްޓަރ މާރިޔާ އަހުމަދު ދީދީ ވަޑައިގެންފިއެވެ

އެ ސަރަހައްދަށް މިނިސްޓަރ މާރިޔާ ވަޑައިގެންފައިވަނީ ހެލިކޮޕްޓަރުގައެވެ.  މި އެކްސަ ސައިޒްގެ ފަރިތަކުރުންތައް މާލެ އާއި މާލެ ކައިރި ކަނޑުގެ ސަރަހައްދު ތަކުގައި ކުރިއަށް ގެންދިއުމަށް ހަމަޖެހިފައިވާއިރު މި އެކްސަސައިޒްގައި އިންޑިއާ ނޭވީގެ ދެ މަނަވަރާއި ސްރީލަންކާ ނޭވީގެ މަނަވަރެއް ބައިވެރިވާގޮތަށް ވަނީ ހަމަޖެހިފައެވެ. މީގެ އިތުރުން މި އެކްސަސައިޒުގައި އިންޑިއަން ކޯސްޓްގާޑް ޑޯނިއަރ މަތިންދާބޯޓަކާއި އިންޑިއަން ކޯސްޓްގާޑް ޝިޕް ސަމަރު ގެ އޮން ބޯޑު ހެލިކޮޕްޓަރެއް ވެސް ހަރަކާތްތެރި ވާނެ ކަމަށް އެމްއެންޑީއެފުން ބުނެއެވެ.

މިމަހުގެ 26 ވަނަ ދުވަހުން ފެށިގެން 27 ވަނަ ދުވަހުގެ ނިޔަލަށް ކުރިއަށް ގެންދިއުމަށް ހަމަޖެހިފައިވާ މި އެކްސަސައިޒަކީ ރާއްޖެ އާއި އިންޑިއާ އަދި ސްރީލަންކާއާއި ދެމެދުގައި އޮންނަ އަސްކަރީ ގުޅުން އިތުރަށް ހަރުދަނާ ކުރުމާއި، ކަނޑުމަތީގައި ދިމާވާ ހާދިސާތަކާއި އޮޕަރޭޝަންތަކުގައި ތިން ޤައުމު ގުޅިގެން ހަރަކާތްތެރި ވާނެ ގޮތްތަކަށް ފަރިތަކުރުމުގެ މަޤްޞަދުގައި ބާއްވާ ތަމްރީނުތަކެއްކަމަށް އެމްއެންޑީއެފްއިން ބުނެއެވެ.

އެކްސަސައިޒް ދޯސްތީ އަކީ 1991 ވަނަ އަހަރުން ފެށިގެން ކޮންމެ ދެ އަހަރުން އެއް އަހަރު އިންޑިއާ އަދި ރާއްޖޭގެ ކޯސްޓްގާޑު ގުޅިގެން ކުރިއަށް ގެންދަން ފެށި ޕްރޮގްރާމެކެވެ. މި ހަރަކާތުގައި ލަންކާ އިން ބައިވެރިވާން ފެށީ 2012 ވަނަ އަހަރުން ފެށިގެންނެވެ. މި ހަރަކާތް އެންމެ ފަހުން ބާއްވާފައިވަނީ 2016 ވަނަ އަހަރު އޮކްޓޯބަރު މަހުގެ ތެރޭގަ އެވެ.