ރާއްޖޭގައި ބާއްވާ ފުރަތަމަ ބައިނަލްއަޤްވާމީ ބޭންކިންގ ކޮންފަރެންސް ފަށައިފި
މިކޮންފަރެންސް އޮންނާނީ ނޮވެމްބަރުމަހު 15 އަދި 16ގައި
ބައިނަލްއަޤްވާމީ ބޭންކިންގ ކޮންފަރެންސްގެ ތެރެއިން
ބޭންކް އޮފް މޯލްޑިވްސް އިން އިންތިޒާމްކޮށްގެން ބާއްވާ އޭޝިއަން ބޭންކަރސް އެސޯސިއޭޝަން އޭބީއޭގެ އަހަރީ ކޮންފަރެންސް ރާޢްޖޭގައި ފަށައިފިއެވެ.
ކޮންފަރެންސް ކުރިއަށްދާނީ ނޮވެމްބަރު މަހު 15 އަދި 16 ވަނަ ދުވަހު ކުރުނބާ މޯލްޑިވްސްގައެވެ.
އޭޝިއާގެ ބޮޑެތި މާލީ އިދާރާތަކުގެ ސީއީއޯ އިންނާއި އިސްވެރިން ހިމެނޭ ގޮތަށް ރާއްޖޭގައި ބާއްވާ މިފަދަ ފުރަތަމަ ކޮންފަރެންސްގައި 25 ގައުމެއްގެ 100 އަށް ވުރެ ގިނަ ފަރާތުން ބައިވެރިވެއެވެ.
މި އަހަރުގެ ކޮންފަރެންސްގެ ޝިއާރަކީ "ބޭންކިންގ އިން އޭޝިއާ: ދި ނެކްސްޓް ފްރޮންޓިއަރ" އެވެ. އަދި މާލީ ދާއިރާގައި ހަރަކާތްތެރިވާ އިސްފަރާތްތަކުން އޭޝިއާގައި ބޭންކިންގ ކުރިއަރަމުންދާ ގޮތުގެ މައްޗަށް އަލިއަޅުއްވައި މަޝްވަރާކުރުމަށް ވަނީ ހަމަޖެހިފައެވެ.
ކުރިއަރަމުން އަންނަ ޓެކްނޮލޮޖީއާ އެކު މާލީ ދާއިރާގެ ހަރުދަނާކަމާއި އަދި އެ ދާއިރާގެ ނަޟާހަތްތެރިކަން ދެމެހެއްޓުމުގެ މުހިންމުކަމާ މެދު ވެސް މި ކޮންފަރެންސްގައި މަޝްވަރާކުރެވިގެންދާނެއެވެ.
އަމިއްލަ ފަރުދުންނާއި ވިޔަފާރިތަކާއި ކޯޕަރޭޓްތަކަށް ރާއްޖޭގައި އެންމެ ފުޅާކޮށް މާލީ ޚިދުމަތް ފޯރުކޮށްދޭ ބޭންކް އޮފް މޯލްޑިވްސް އަކީ ދިވެހިރާއްޖޭގެ އެންމެ ބޮޑު މާލީ އިދާރާއެވެ.
ޓެކްނޮލްޖީ އަށް މުހިންމު އިސްކަމެއްދޭ ބީއެމްއެލްއަކީ ދިވެހިރާއްޖޭގައި ފުރަތަމަ ފަހަރަށް ޑިޖިޓަލް ބޭންކިންގ ޚިިދުމަތް ދޭންފެށި ބޭންކް ވެސްމެއެވެ.
ޓެކްނޮލްޖީއާ ރައްޓެހި ދިވެހިރާއްޖޭގެ އާބާދީގައި، ބޭންކުގެ ކޮންމެ 10 މުއާމަލާތްތަކުން 9 މުޢާމަލާތް ހިނގަމުންދަނީ އޮންލައިންކޮށެވެ. ބޭންކް އޮފް މޯލްޑިވްސްއިން ދަނީ ރާއްޖޭގެ އެހެން ހުރިހާ ބޭންކްތަކަށް ވުރެ ފުޅާދާއިރާއެއްގައި މުޖުތަމައަށް އިންވެސްޓްކުރަމުންނެވެ.
