އޮކްޓޯބަރ މަހުގެ ހަތަރު ވަނަ ދުވަހު ބޭސްފަރުވާ އަކަށް މެލޭޝިއާއަށް ވަޑައިގެންނެވި ކުރީގެ ޑިފެންސް މިނިސްޓަރު މުހައްމަދު ނާޒިމް އާދިއްތަ ދުވަހުގެ ރޭ ރާއްޖެ ވަޑައިގަންނަވައިފިއެވެ .

ނާޒިމް އެނބުރި ރާއްޖެ ވަޑައިގެންފައި މިވަނީ އެމަނިކުފާނުގެ މައްޗަށް އިއްވި 11 އަހަރުގެ ޖަލު ހުކުމް ތަންފީޒުކުރުން ސުޕްރީމް ކޯޓުން ފަސްކޮށްފައި ވަނިކޮށެވެ. އެކަމާއި ގުޅޭ ގޮތުން ސުޕްރީމް ކޯޓުން ނެރުނު އަމުރުގައި ވަނީ ހުކުމް ތަންފީޒުކުރުމުގެ ގޮތުން ނާޒިމާމެދު އެއްވެސް ފަރާތަކުން އެއްވެސް ފިޔަވަޅެއް ނޭޅުމަށް ދައުލަތުގެ ކަމާބެހޭ އެންމެހައި ފަރާތްތަކުގެ މައްޗަށް އަންގައި އަމުރުކުރާ ކަމަށެވެ.

އެމަނިކުފާނުގެ ކޮޓަރިކޮޅުން ފިސްތޯލަ އެއް ފެނުނު މައްސަލާގައި ހަނގުރާމަވެރި ހަތިޔާރު ގެންގުޅުމުގެ ކަމުގެ ކުށް ސާބިތުކޮށް 11 އަހަރަށް ޖަލަށްލާން ނާޒިމްގެ މައްޗަށް ކުރިމިނަލް ކޯޓުން ހުކުމް ކުރީ 2015 ވަނަ އަހަރު އެވެ.