ރާއްޖެ ހިމެނޭ ގޮތަށް 21 ގައުމެއްގެ މީހުންގެ އަތުން އޮން އެރައިވަލް ވިސާ ފީ ނުނަގަން ތައިލެންޑުން ނިންމައިފި
ވިސާ ފީގެ ގޮތުގައި ނަގަނީ 2،000 ބާތު
ތައިލެންޑްގެ ވެރިރަށް ބެންކޮކް: އޮން އެރައިވަލް ވިސާ ދެ މަސް ދުވަހަށް ކަނޑާލީ ޓޫރިޒަމް ފުޅާކުރުމަށް | ގޫގުލް
ތައިލެންޑަށް ޒިޔާރަތްކުރާ ފަރާތްތަކުގެ ތެރެއިން ދިވެހިރާއްޖެ ހިމެނޭ ގޮތަށް 21 ގައުމެއްގެ ރައްްޔިތުންގެ އަތުން އޮން އެރައިވަލް ވިސާ ފީ ނުނަގާނެކަމުގެ ފެހި ސިގްނަލް އެ ގައުމުގެ ކެބިނެޓުން އަންގާރަ ދުވަހު ދީފިއެވެ.
ދެ މަސްދުވަހުގެ މުއްދަތަށް ދޫކުރެވޭ މި ޓޫރިސްޓް ވިސާގެ ފީ ނެގުން ހުއްޓާލުމުގެ ބޭނުމަކީ ޓޫރިޒަމްގެ ދާއިރާ އަށް ކުރިއެރުން ހޯދުމެވެ.
ސަރުކާރުގެ ތަރުޖަމާނު ވިދާޅުވީ ޑްރާފްޓްކޮށްފައިވާ އުސޫލުގައިވާ ގޮތުން ވިސާ ފީގެ ގޮތުގައި ނަގާ 2،000 ބާތު ޑިސެމްބަރު މަހުގެ 1 އިން ފެށިގެން ޖެނުއަރީމަހުގެ 31 އާ ހަމައަށް އޮން އެރައިވަލް ވިސާ އެއް ނު ނަގާނެ ކަމަށެވެ.
ވިސާފީ ނު ނަގަން ނިންމާ ގައުމުތަކުގެ ތެރޭގައި އެންޑޯރާ، ބަލްގޭރިއާ، ބޫޓާން، ޗައިނާ، ސައިޕްރަސް، އިތިއޯޕިއާ، ފިޖީ، އިންޑިއާ، ކަޒަކްސްތާން، ލެޓްވިއާ، ލިތުއޭނިއާ، ދިވެހިރާއްޖެ، މޯލްޓާ، މޮރިޝަސް، ޕަޕުއާ ނިއުގިނީ، ރޯމޭނިއާ، ސެން މެރީނޯ، ސައުދީ އަރަބިއާ އަދި ޓައިވާން ހިމެނެއެވެ.
