އިސްރާއިލާ ދެމެދު ހަމަލާ ބަދަލުކުރުން ހުއްޓާލިކަން އިސްލާމިކް ޖިހާދުން އިއުލާނުކޮށްފި
28 އޮކްޓޯބަރު 2018 | އާދީއްތަ 04:58ޣައްޒާގެ ތެރެއިން އިސްރާއީލަށް 34 ރޮކެޓް ހަމަލާއެއް ފޮނުވާލި
އިސްރާއީލުގެ އަޔަން ޑޯމްއިންވަނީ ޣައްޒާގެ ތެރެއިން ފޮނުވާލި އެތައް ރޮކެޓްތަކެއް ހުއްޓުވާފައި
މިސްރުގެ ވަފުދާއެކު ބޭއްވި ބައްދަލުވުމަށް ފަހު އިސްރާއީލަށް ރޮކެޓް ފޮނުވުން ހުއްޓާލުމަށް ފަލަސްތީނުގެ ޖަމާއަތެއް ކަމަށްވާ އިސްލާމިކް ޖިހާދުން އެއްބަސްވެއްޖެ ކަމަށް އެ ޖަމާއަތުން ބުނެފިއެވެ.
ހޮނިހިރު ދުވަސް މިކަން އިއުލާނުކޮށްފައިވަނީ އިސްރާއީލުން ހިސާރުކޮށްފައިވާ ޣައްޒާގެ 80 ތަނަކަށް އިސްރާއީލުން ވައިގެ މަގުން ހަމަލާ ދީފައިވަނިކޮށެވެ.
"މިސްރުން އަޅުގަނޑުމެންނާ ބައްދަލުކުރުމަށް ފަހު އިސްރާއީލާއެކު ހަނގުރާމަ ހުއްޓާލާފައިވާ ކަމަށް އިއުލާނުކުރަން" އިސްލާމިކް ޖިހާދުގެ ތަރުޖަމާނު އަނަދޮލޫ ނޫސް އޭޖެންސީގައި ބުނެފައިވެއެވެ.
"އިސްރާއީލުން އެ އެއްބަސްވުމަށް ތަބާވާހާ ހިނދަކު އަހަރެމެން ތަބާވާނަން" އޭނާ ބުންޏެވެ.
އެސޯސިއޭޓެޑް ޕްރެސްގައި ވާހަކަދައްކަމުން އެ ޖަމާއަތުގެ އިސް އޮފިޝަލެއްކަމަށްވާ ޚާލިދު އަލް ބަޝް ހޮނިހިރު ދުވަހު ބުނީ ޣައްޒާއަށް ހަމަޖެހުން ގެނައުމަށްޓަކައި އެއްބަސްވުކަށް ދިއުމަށް މިސްރުން މެދުވެރިއެއްގެ ދައުރު އަދާކޮށްދިނީތީ އުފާކުރާކަމަށެވެ.
އިސްރާއީލުގެ އަސްކަރިއްޔާގެ ތަރުޖަމާނު ބުނެފައިވަނީ ހުކުރު ދުވަހުގެރޭ ޣައްޒާގެ ތެރެއިން އިސްރާއީލަށް 34 ރޮކެޓް ހަމަލާއެއް ފޮނުވާލާފައިވާކަމަށެވެ.
އިސްރާއީލުން 2014 ވަނަ އަހަރުގެ ހޫނު މޫސުމުގައި ޣައްޒާގައި ހިންގި އުދުވާނުގައި 2،150 މީހުން މަރާލާފައިވެއެވެ.
