ފަތުރުވެރިކަމުގެ ދާއިރާގައި ބާއްވާ އެންމެ ޝަރަފުވެރި އެއް އެވޯޑް ކަމަށްވާ ވޯލްޑް ޓްރެވެލް އެވޯޑުގައި ރާއްޖެއިން 3 އެވޯޑެއް ހާސިލްކޮށްފި އެވެ.
އެވޯޑް ހާސިލްކުރި ދާއިރާތަކުގެ ތެރޭގައި އިންޑިއަން އޯޝަންސް ލީޑިން ބީޗް ޑެސްޓިނޭޝަން، އިންޑިއަން އޯޝަންސް ލީޑިން ޑައިވް ޑެސްޓިނޭޝަން އަދި އިންޑިއަން އޯޝަންސް ލީޑިން ޑެސްޓިނޭޝަން އެޓް ދަ ވޯލްޑް ޓްރެވެލް އެވޯޑްސް:އެފްރިކާ އަދި އިންޑިއަން އޯޝަން އެވެ.
ސައުތު އެފްރިކާގެ ޑާރބަން އިންޓަނޭޝަނަލް ކޮންވެންޝަން ސެންޓަރ ބޭއްވި މިހަފްލާގައި ރާއްޖެއިން އެވޯޑްތައް ގެނެސްފައިވަނީ އެފްރިކާ އަދި އިންޑިއަން އޯޝަންއިން ސީޝެލްސްއާއި މޯރީޝިއަސްއާއި ވާދަކޮށްގެންނެވެ.
އެގޮތުން މިހަފްލާފައި ފަތުރުވެރިިކަމުގެ ދާއިރާގައި ދުނިޔޭގެ ފެންވަރުގައި ހަރަކާތްތެރިވާ ފަރާތްތަކުން ވަނީ ބައިވެރިވެފައެވެ.
މިހަފްލާފައި ވޯލްޑް ޓްރެވެލް އެވޯޑްސް ގްރޭންޑް ޓުއަރ 2018ގެ ސިލްވާ ޖުބްލީ ފާހަގަ ކުރުމާއި، ވޯލްޑް ޓްރެވެލް އެވޯޑްގެ 25 ވަނަ އަހަރީ ދުވަސް ފާހަގަކުުރުން ދުނިޔޭގެ ފެންވަރުގައި ކުރިއަށް ގެންގޮސްފައިވެއެވެ.
ފަތުރުވެރިިކަމުގެ ދާއިރާގައި ހަރަކާތްތެރިވާ ފަރާތްތަކުގެ މަސައްކަތް ފާހަގަކޮށް ރާއްޖޭގައިވެސް މިފަދަ އެވޯޑްތަކެއް ދެއެވެ. އެގޮތުން މަޓާޓޯއިން ގެންދަނީ ރިސޯޓްތަކާއި ގެސްޓްހައުސްތަކާއި އަދި މިނޫންވެސް މިދާއިރާގައި ހަކަރާތްތެރިވާ ފަރާތްތަކަށް ހާއްސަކޮށްގެން އަހަރަކު ތިން އެވޯޑް ހަފްލާއެއް ބާއްވަމުންނެވެ.
މީގެ އިތުރުން ރާއްޖޭގެ ހައިރައިޒުން އިންތިޒާމްކޮށްގެންބާ ސާޓާ އެވޯޑަކީ ސަރަހައްދީ ފެންވަރުގައި ބާއްވާ އެންމެ ބޮޑު އެވޯޑް ހަފްލާއެވެ.
