އަޑުއެހުންތައް މެދުކަނޑާލައިފި، ޝަރީފު އަނގޮޓި ގެނައި ކަމަށް ތިން ހެކި ހުށަހެޅި
15 އޮކްޓޯބަރު 2018 | ހޯމަ 07:47މައްސަލައިގެ އަޑުއެހުމެއް ފެށުމަށް ހަމަޖެހިފައި ވަނީ 01:30 ގައި
ސުޕްރީމް ކޯޓުގެ އަޑުއެހުމަށް ބަޔަކު ވަންނަނީ
އިންތިހާބު ބާތިލްކުރުމަށް ހުށަހެޅި މައްސަލައިގެ އަޑުއެހުންތައް މެދުކަނޑާލައިފިއެވެ.
ދެން މައްސަލައިގެ އަޑުއެހުން ކުރިއަށް ގެންދިއުމަށް ހަމަޖެހިފައި ވަނީ މެންދުރު 01:30 ގައެވެ.
މެންދުރު ފަހު ބާއްވާ އަޑުއެހުމުގައި ސިއްރު ހެކި ހުށަހެޅުމާ ގުޅޭ ގޮތުން ގޮތެއް ނިންމާނެ ކަމަށް ފަނޑިޔާރުން ވިދާޅުވިއެވެ.
މިއަދުގެ އަޑުއެހުމުގައި މައްސަލަ ރައްދުވާ ފަރާތް ކަމަށްވާ އިލެކްޝަންސް ކޮމިޝަނުންނާއި މައްސަލައަށް ތަދައްހުލުވެފައިވާ ފަރާތުން ވެސް ވާހަކަދައްކަވާފައި ވެއެވެ.
މިއަދުގެ ޝަރީއަތުގެ މަޖިލީހުގައި ރައީސް އަބްދުﷲ ޔާމީންގެ ފަރާތުން އިސް ވަކީލެއްގެ ގޮތުގައި ވަކާލާތު ކުރައްވާފައި ވަނީ އާޒިމާ ޝަކޫރުއެވެ. މައްސަލައިގެ ފުރަތަމަ އަޑު އެހުމުގައި އިސް ވަކީލެއްގެ ގޮތުގައި ރޭނީސް މުހައްމަދު ސަލީމު ވަނީ މިމައްސަލައިގައި ތުހުމަތު ކުރެވޭ އަނގޮޓީގެ ފޮޓޯ ވެސް އާންމުކުރައްވާފައެވެ.
މައްސަލަ ހުށަހެޅި ފަރާތުން ވަނީ އިލެކްޝަންސް ކޮމިޝަނުގެ ރައީސް އަހުމަދު ޝަރީފު އަނގޮޓި ގެނެސްފައިވާ ކަމަށް ތިން ހެކި ހުށަހަޅާފައެވެ.
