އިބޫގެ އަރިހަށް އދ. ގެ މަންދޫބު ޝޮކޮ ނޯޑާ އިހުތިރާމްގެ ޒިޔާރާތެއް ކުރައްވައިފި
5 އޮކްޓޯބަރު 2018 | ހުކުރު 14:23މިބައްދަލުވުމާ ގުޅޭ ގޮތުން އިތުރު ތަފްސީލެއް ހާމަކޮށްފައެއް ނުވޭ
އދ. ގެ މަންދޫބު ޝޮކޮ ނޯޑާ އިންތިޚާބީ ރައީސް އިބްރަހީމް މުހައްމަދު ސޯލިހާ އެކު
މިދިޔަ މަހު 23 ގައި ބޭއްވި ރިޔާސީ އިންތިޚާބު ބޮޑު ތަފާތަކުން ކާމިޔާބު ކުރެއްވި އިބްރާހިމް މުހައްމަދު ސޯލިހު (އިބޫ)ގެ އަރިހަށް ރާއްޖޭގައި ހުންނަވާ އދ. ގެ މަންދޫބު ޝޮކޮ ނޯޑާ އިހުތިރާމްގެ ޒިޔާރާތެއް ކުރައްވައިފިއެވެ.
ޝޮކޮ ނޯޑާ އާއި އިބޫ ބައްދަލުކުރައްވާފައި ވަނީ ބުރާސްފަތި ދުވަހުގެ ވަގުތެއްގައެވެ. މި ބައްދަލުވުމާ ގުޅޭ ގޮތުން އެއްވެސް ފަރާތަކުން އިތުރު ތަފްސީލެއް ހާމައެއް ނުކުރެއެވެ.
ރިޔާސީ އިންތިޚާބު އިބޫ ކާމިޔާބު ކުރެއްވުމާ ގުޅިގެން ބޭރުގެ ގައުމުތަކުގެ އިސްވެރިންނާއި، މަންދޫބުން އަންނަނީ އެމަނިކުފާނާ، ބައްދަލުކުރައްވައި މަރުހަބާ ދަންނަވަމުންނެވެ.
މީގެ އިތުރުން ސަރުކާރުގެ އިސް ވެރިންނާއި، ދައުލަތުގެ އިސްވެރިން ވެސް އަންނަނީ އިބޫއާ ބައްދަލު ކުރައްވަމުންނެވެ.
