ފާއިތުވި ބަންދު ތިން ދުވަހު އައިޑީކާޑް ހައްދައި ދީފައިވާ ކަމަށް ޑީއެންއާރް އިން ބުނެފިއެވެ.

ޑިޕާޓްމެންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު) ގެ ޑިރެކްޓަރ ފަރީދާ ރާއްޖެޓީވީއަށް ދެއްވި ޚާއްސަ އިންޓަރވިއު އެއްގައި ވިދާޅުވީ ބަންދު ތިން ދުވަހު ގާތްގަނޑަކަށް 300 އައިޑީ ކާޑް ހައްދަދީފައިވާ ކަމަށެވެ.

ފަރީދާ ވިދާޅުވީ ބަންދު ތިން ދުވަހު ޑީއެންއާރް ހުޅުވައިގެން އައިޑީކާޑް ހައްދައިދީފައި ވަނީ ގިނަ ރައްޔިތުންތަކެއްގެ އެދުމުގެ މަތިން ކަމަށެވެ.

މުއްދަތު ހަމަވެގެން ނުވަތަ ގެއްލިގެން އައިޑީކާޑް ހައްދަން އެދުނު މީހުންނަށް ހުކުރު، ހޮނިހިރު، އާދީއްތަ ދުވަހު އައިޑީކާޑް ހައްދައި ދީފައިވާނެ ކަމަށް ފަރީދާ ވިދާޅުވިއެވެ.

މިއަދު އެކަނި ވެސް 30 އާއި 40 އާ ގާތްކުރާ އަދަދަކަށް އައިޑީކާޑް ހައްދަދީފައިވާނެ ކަމަށް ފަރީދާ ވިދާޅުވިއެވެ.