އަންގާރަ 18 ޖޫން 2019
02 އަދަ
1440 ޝައްވާލް 14
ފަތިސް 04:36
އިރުއަރާ 05:54
މެންދުރު 12:11
އަސްރު 15:35
މަޣްރިބް 18:20
އިޝާ 19:38
ރާއްޖެ - ރިޔާސީ އިންތިހާބު 2018

އިބޫ އާއި ފައިސަލްގެ ކެމްޕެއިންގެ ފަހު ދަތުރުފުޅު އައްޑޫ އާއި ފުވައްމުލަކަށް!

  • އިބޫ އާއި ފައިސަލް ފުވައްމުކަލަށް ވަޑައިގަތުމަށް ހަމަޖެހިފައި ވަނީ މިއަދު ހަވީރު
  • މިރޭ ފުވައްމުލަކުގައި ޖަލްސާ ބާއްވާއިރު، ބުރާސްފަތި ދުވަހުގެ ރޭ އައްޑޫ ހިތަދޫގައި ޖަލްސާ ބޭއްވުމަށް ވަނީ ނިންމާފައި
  • އިބޫ އާއި ފައިސަލް ފުވައްމުލަކުން އައްޑޫ ސިޓީއަށް ފުރާވާޑައިގަންނަވާނީ ބުރާސްފަތި ދުވަހު ހެނދުނު

މުހަންމަދު ވިސާމް
sampathmasiw

ކ. މާލެ 19 ސެޕްޓެންބަރ 2018 | ބުދަ 11:19 3,128

ފުވައްމުލަކަށް މީގެ ކުރިން ކުރެއްވި ކެމްޕެއިން ދަތުރުފުޅުގެ ތެރެއިން - މުހައްމަދު ޝަރުހާން

ގުޅިފައިވާ ސިޔާސީ ޕާޓީތަކުގެ ފަރާތުން މި އިންތިހާބުގައި ވާދަކުރައްވާ އެމްޑީޕީގެ ކެންޑިޑޭޓް އިބްރާހިމް މުހައްމަދު ސޯލިހާއި އެމަނިކުފާނުގެ ރަނިންގ މޭޓް ފައިސަލް ނަސީމްގެ އެންމެ ފަހު ކެންޕެއިން ދަތުރުފުޅެއްގެ ގޮތުގައި އައްޑޫ އަދި ފުވައްމުލަކަށް ވަޑައިގަތުމަށް ހަމަޖެހިއްޖެއެވެ.

ކެމްޕެއިންގެ އެންމެ ފަހު ދަތުރުފުޅުގައި އިބޫ އާއި ފައިސަލް، އެންމެ ފުރަތަމަ ވަޑައިގަންނަވާނީ ފައިސަލްގެ އުފަން ރަށް ކަމަށްވާ ފުވައްމުލަކު ސިޓީއަށެވެ. ފުވައްމުލަކަށް އިބޫ އާއި ފައިސަލް ވަޑައިގަތުމަށް ހަމަޖެހިފައިވާ ވަނީ ބުދަ ދުވަހު ހަވީރު 6:00 ގައެވެ. އާބާދީގައި ގާތްގަނޑަކަށް 13000 މީހުން ދިރިއުޅޭ ފުވައްމުލަކު ސިޓީގައި ގުޅިފައިވާ ސިޔާސީ ޕާޓީތަކުން މިރޭ ބޮޑު ޖަލްސާއެއް ބާއްވާނެއެވެ.

އިބޫ އާއި ފައިސަލް ބައިވެރިވަޑައިގަންނަވާ މި ޖަލްސާ އޮންނާނީ ފުވައްމުލަކު ސްޓޭޑިއަމް (މައިލޯ ދަނޑު) ގައެވެ. މި ޖަލްސާ ގުޅިފައިވާ ސިޔާސީ ޕާޓީޓަކުގެ އިސްވެރިން ބައިވެރިވަޑައިގަންނަވާނެއެވެ.

މި އިންތިހާބުގައި ފުވައްމުލަކުގައި ވޯޓްލުމުގެ ހައްގު ލިބިފައި ވަނީ 5726 މީހުންނަށެވެ. ފުވައްމުލަކުގައި ޖުމްލަ 10 ވޯޓް ފޮށި ބެހެއްޓުމަށް ވަނީ ހަމަޖެހިފައެވެ.

އިންތިހާބަށް ތިން ދުވަސްވެފައި ވަނީ މި ދަތުރުފުޅުގައި ފައިސަލް އާއި އިބޫ ބުރާސްފަތި ދުވަހުގެ ހެނދުނު އައްޑޫ ސިޓީއަށް ވަޑައިގަންނަވާނެއެވެ. މައުލޫމާތު ލިބިފައިވާ ގޮތުގައި ބުރާސްފަތި ދުވަހު ހެނދުނު އިބޫ އާއި ފައިސަލް އެންމެ ފުރަތަމަ ވަޑައިގަތުމަށް ހަމަޖެހިފައި ވަނީ ހުޅުމީދޫއަށެވެ. އެ އަށް ފަހު ބުރާސްފަތި ދުވަހުގެ ރޭ އައްޑޫ ސިޓީ ހިތަދޫ ބަނދަރު ސަރަހައްދުގައި ބޮޑު ޖަލްސާ ބޭއްވުމަށް ވަނީ ހަމަޖެހިފައެވެ. މި ޖަލްސާ ވެގެންދާނީ މި އިންތިހާބުގައި އަތޮޅުތެރޭ ރަށެއްގައި އިބޫ އާއި ފައިސަލް ބައިވެރިވަޑައިގަންނަވާ އެންމެ ފަހު ޖަލްސާއަށެވެ.

އިބޫ އާއި ފައިސަލް ވަނީ މި އިންތިހާބުގައި ކެމްޕެއިން ކުރުމަށް ރާއްޖޭގެ މީހުން ދިރިއުޅޭ 187 އަށް ރަށަށް ވަޑައިގެންފައެވެ. އިބޫ 153 ރަށަށް ވަޑައިގެންނެވިރު، މި އިންތިހާބުގެ ކެމްޕެއިން ދެ ބޭފުޅުން ފެއްޓެވީ ވެސް އައްޑޫ ފުވައްމުލަކުންނެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް