އެންސިސް އިން ފޭރުނު މައްސަލައިގައި ފިލައިގެން އުޅުނު އިތުރު މީހަކު ހައްޔަރު ކޮށްފި
16 ސެޕްޓެމްބަރު 2018 | އާދީއްތަ 07:43ހައްޔަރު ކޮށްފައިވަނީ 20 އަހަރުގެ ފިރިހެނެއް
ހުޅުމާލެގެ މަތިން ނަގާފައިވާ ފޮޓޯއެއް
ރާއްޖޭގައި ފުޅާދާއިރާއެއްގައި މަހުގެ ވިޔަފާރި ކުރަމުންދާ ކުންފުންޏެއް ކަމުގައިވާ އެންސިސްގެ ދެ މިލިއަނަށް ވުރެ ގިނަ ރުފިޔާ ފޭރިގެންފައިވާ މައްސަލާގައި އިތުރު މީހަކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ އޭނާ ހައްޔަރު ކޮށްފައިވަނީ މިހިނގާ ސެޕްޓެމްބަރު މަހުގެ 14 ވަނަ ދުވަހު ކޯޓް އަމުރެއްގެ ދަށުން ކަމަށެވެ.
އަދި އޭނާ އަކީ ފޭރުމުގައި އަމަލީ ގޮތުން ހަރަކާތްތެރިވި 20 އަހަރުގެ ފިރިހެނެއް ކަމަށާއި އޭނާ ހައްޔަރު ކޮށްފައިވަނީ ފިލައިގެން އުޅެނިކޮށް މ. މުލަކުން ކަމަށް ފުލުހުން މައުލާތު ދެއެވެ.
އޭނާގެ ބަންދަށް ވަނީ 14 ދުވަހުގެ މުއްދަތު ދީފައި ކަމަށް ވެސް ފުލުހުން ބުންޏެވެ.
މި މައްސަލަ އާއި ގުޅިގެން މިހާރު ފުލުހުންގެ ބެލުމުގެ ދަށުގައި ތިބީ ޖުމްލަ ފަސް މީހުން ކަމަށް ފުލުހުން މައުލޫމާތު ދެއެވެ.
ފޭރުމުގެ ހާދިސާ ހިނގާފައި ވަނީ ހުޅުމާލޭގެ ސެންޓްރޯ މޯލްގައި ހިންގާ މޮރިޝަސް ބޭންކުގެ ބްރާންޗުން ފައިސާ ނަގައިގެން އެންސިސްގެ މުވައްޒަފުން ވެހިކަލަށް އަރަން ދިޔަ ވަގުތުގައެވެ. މިދިޔަ ޖުލައި މަހުގެ 31 ވަނަ ދުވަހު މި ފައިސާތައް ފޭރިގެންފައި ވަނީ ސައިކަލެއްގައި ދިޔަ ބައެކެވެ.
