އަންގާރަ 16 ޖުލައި 2019
02 ފުސް
1440 ޒުލްގައިދާ 13
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ރާއްޖެ - ޖަޒީރާ ރާއްޖެ

އިންސާފުގެ މަގަށް ޖަޒީރާ ރާއްޖެ: މުޅި ކާނިވާ ސަރަހައްދު "ލޯބިން" ފުރާލައިފި

  • މިއީ އެއްވެސް މަޖުބޫރު ކަމެއް ނެތި ހިތު ލޯބިން އެއްވި މީހުން
  • ގޮނޑިތައް ފުރި އެތައް ސަތޭކަ ބަޔަކު ކޮޅަށް
  • މުޅި ކާނިވާ ފުރި ބާރުވެފައި

އަޒުމޫން އަހުމަދު
azmoon_ahmed

ކ. މާލެ 8 ސެޕްޓެންބަރ 2018 | ހޮނިހިރު 21:16 8,627

ޖަލްސާ ބާއްވާ ސަރަހައްދު އެއްކޮށް ފުރި ބާރުވެފައި - މުހައްމަދު ޝަރުހާން

ގުޅިފައިވާ ސިޔާސީ ޕާޓީތަކުން "އިންސާފުގެ މަގަށް- ޖަޒީރާ ރާއްޖެ" ގެ ނަމުގައި މިރޭ ބާއްވާ ޖަލްސާ ފެށުމުގެ 30 މިނެޓުގެ ކުރިން މުޅި ކާނިވާ "ލޯބިން" ފުރާލައިފިއެވެ.

އިދިކޮޅު ސިޔާސީ ޕާޓީތަކަށް ޖަލްސާއެއް ބާއްވާނެ ތަނެއް ނުދީ ތިން އަހަރު ވަންދެން ހިފަހެއްޓުމަށް ފަހު މިރޭ ޖަލްސާ ބާއްވަން ކާނިވާ ސަރަހައްދު ދިނުމާ އެކު އަދަދުން ސަރުކާރު "ބަލިކޮށްލާނެ" ކަމަށް ޕާޓީތަކުން ދިޔައީ ބުނަމުންނެވެ.

ކާނިވާ ސަރަހައްދުގައި ޖަލްސާއަށް ގިނަ އަދަދެއްގެ ގޮނޑި ޖެހި ނަމަވެސް 20:30 ވީއިރު ގޮނޑިތައް ފުރާލައި، މުޅި ކާނިވާ ވަނީ ތޮއްޖެހިފައެވެ.

މިއީ ވަޒީފާގެ ބިރެއް ދެއްކުމެއް ނެތި، އެޓެންޑެންސް ބެލުމެއް ނެތި "ހިތު ލޯބިން" ޖަމާވެ ތިބި މީހުންތަކެކެވެ. މުޅި ސަރަހައްދު ފުރިގެން ގޮނޑިތައް ޖަހާފައިވާ ޖާގަ ވެސް ގާތްކޮށް އިތުރު ގޮނޑި ވެސް ވަނީ ޖަހާފައެވެ. ގޮނޑިއެއް ނުލިބި ކޮޅަށް ވެސް އެތައް ސަތޭކަ ބަޔަކު އެބަ ތިއްބެވެ.

ޖަލްސާއަށް މީހުން ހާޒިރުވާ އަދަދު ގިނަ ކަމުން ޓްރެފިކް ބާރު ބޮޑުވެ ކާނިވާ ސަރަހައްދަށް ދެވެން އޮންނަ މަގުތައް ފުލުހުން ވަނީ ބަންދުކޮށްފައެވެ. ޖަލްސާ ފެށެން ކައިރިވެފައިވާ އިރު މާލޭގެ އެކި މަގުތަކުގައި އަދިވެސް ވަނީ މީހުން ފުރި ބާރުވެފައިވާ ޕިކަޕްތަކުން ޓްރެފިކް ބޮޑުވެފައެވެ. 

އެންމެ ފަހުން އަޕްޑޭޓް ކުރީ: 3 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް